ស្គាល់អត្តសញ្ញាណសពបុរសម្នាក់ដែលគេសម្លាប់យកចោលនៅវាលស្រែហើយ
ភ្នំពេញ៖ បន្ទាប់ពីមានការភ្ញាក់ផ្អើលដែលប្រជាពលរដ្ឋបានប្រទះឃើញសពបុរសម្នាក់ដេកស្លាប់កណ្ដាល វាលស្រែ មានស្នាមអា ក ឈាមជោគខ្លួនសង្ស័យសម្លាប់ប្លន់យកម៉ូតូកាលពីវេលាម៉ោងជាង៦ព្រឹកថ្ងៃទី១៤ខែកញ្ញាឆ្នាំ២០១៨នៅភូមិកប់គង សង្កាត់ចោម ចៅ២ ខណ្ឌពោធិ៍សែនជ័យ ឥលូវត្រូវបានស្គាល់អត្តសញញ្ញាណហើយ ក្រោយពីស្ត្រីជាប្រពន្ធ បានមកដល់កន្លែងកើតហេតុយំសោកបោកខ្លួន ពេលឃើញប្តីបានស្លាប់បាត់បង់ជីវិតបែបនេះ ជនរងគ្រោះគឺជាអ្នករត់ម៉ូតូឌុប ។
ជនរងគ្រោះដែលស្លាប់មានឈ្មោះ ឡាញ់ វន អាយុ២៥ឆ្នាំ មុខរបរត់ម៉ូតូឌុបពេលយប់ ស្នាក់នៅផ្ទះជួលក្នុងភូមិជ្រៃកោង សង្កាត់ចោមចៅ២ខណ្ឌពោធិ៍សែនជ័យ មានស្រុកកំណើតនៅខេត្តកំពត ។
បើតាមសម្ដីស្ត្រីជាប្រពន្ធបានឲ្យដឹងថា ប្តីរបស់ គាត់តែងតែចេញរត់ម៉ូតូ និងឌុបម៉ូយនៅពេលយប់ ប៉ុន្តែគាត់ចូលមកផ្ទះវិញនៅម៉ោង១០យប់ ។ ស្ត្រីជាប្រពន្ធបានបន្តថា ចម្លែកតែយប់មិញបែជាអត់ឃើញគាត់មកផ្ទះ បាត់១យប់ លុះពេលគាត់ទាក់ទងតាមទូរសព្ទ័ក៏មិនបាន។ ដល់ព្រឹកឡើងទើបទទួលដំណឹងថា ប្តីគាត់បានស្លាប់បាត់ហើយ ។ ចំណែកសមត្ថកិច្ចបានធ្វើការ សន្និដ្ឋានបឋមថា អាចជាករណីប្លន់សម្លាប់យកម៉ូតូ ព្រោះជនរងគ្រោះបានបាត់ម៉ូតូហុងដាឌ្រីមសេ១២៥ ដែលគាត់យកទៅរត់ឌុបនោះ ព្រោះអាចក្រុមចោរហៅម៉ូតូជិះដល់កន្លែងស្ងាត់វាយ សម្លាប់ប្លន់យកម៉ូតូតែម្ដង ។
ក្រោយមកសមត្ថកិច្ចបានយកសពជនរងគ្រោះមកតម្កល់នៅវត្ត «ទួលសុភាឃួន»ដើម្បីធ្វើកោសល្យ វិច័យ តាមការពិនិត្យសពជំនាញបានបញ្ជាក់ថាជនរង គ្រោះ ត្រូវជនសង្ស័យយកកាំបិតចាក់ពីក្រោយចំបោះ ដៃផុតជាច្រើនកាំបិត បណ្ដាលឲ្យស្លាប់ហើយអូសទៅ ដាក់ក្នុងស្រែ ។ បន្ទាប់ពីកោសល្យវិច្ឆ័យនិងធ្វើកំណត់ ហេតុរួចសមត្ថកិច្ចបានប្រគល់សពជនរងគ្រោះឲ្យក្រុម គ្រួសារយកទៅធ្វើបុណ្យតាមប្រពៃណី ៕
