ពិតជារឿងហួសថ្លែងមែន! ជិតដល់ម៉ោងភ្ញៀវចូលហូបការហើយ តែកូនកំលោះបែរជាស្លាប់បាត់…
ខេត្តកំពង់ឆ្នាំង៖ បងប្អូនសាច់ញាតិទះទ្រូងហួសចិត្ត និងសម្តែងនូវក្តីអាណិតអាសូរ ចំពោះហេតុការណ៍ដ៏រន្ធត់មួយ ដែលកើតឡើងនៅក្នុងពិធីរៀបអាពាហ៍ពិពាហ៍មួយ ខណះដែលល្ងាចនេះកូនកំលោះនិងកូនក្រមុំត្រៀមខ្លួនចាំទទួលភ្ញៀវជិតឆ្ងាយដែលអញ្ជើញមកហូបការ តែបែរជាកូនកំលោះខ្យល់គរ ហើយស្លាប់បាត់បង់ជីវិតក្រោយបញ្ជូនដល់មន្ទីរពេទ្យ ។
ហេតុការណ៍នេះកើតឡើងនៅរសៀលថ្ងៃទី០៤ ខែកុម្ភៈ ឆ្នាំ២០២១ នៅភូមិកណ្ដាល សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។
កូនកំលោះដែលស្លាប់ដោយសារខ្យស់គរ មានឈ្មោះ ក្រុង ពុធ អាយុ ៥២ឆ្នាំ មានស្រុកកំណើតនៅ ភូមិសំរោង សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។
បច្ចុប្បន្នសពតម្កល់ធ្វើបុណ្យនៅគេហដ្ឋាន ភូមិសំរោង សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង តាមប្រពៃណី ៕
