ជិះម៉ូតូបុកគ្នាបណ្តាលឱ្យមានអ្នកបាក់ជើង២នាក់និងរងរបួស២នាក់ ..!

ភ្នំពេញ៖ ភាគីអ្នកជិះម៉ួតូម្ខាងពីរនាក់បានបុកគ្នាពេញទំហឹងបណ្តាលឱ្យមានអ្នកបាក់ជើងនិងរងរបួសនៅតាមបណ្តោយផ្លូវបេតុងក្នុងសង្កាត់ស្រះចក ខណ្ឌដូនពេញកាលពី រំលងអធ្រាត្រ ចូលថ្ងៃទី១៩ ខែកុម្ភៈ ឆ្នាំ២០២១។

សាក្សីបានឱ្យដឹងថា៖មុនពេលកើតហេតុគេឃើញ យុវជន២នាក់ជិះឌុបគ្នាដោយម៉ូតូម៉ាកហុងដាឈ្លីកពាក់ផ្លាកលេខ ភ្នំពេញ 1HH-3481 តាមបណ្តោយផ្លូវបេតុង។ស្រាប់តែមានយុវជន២នាក់ទៀតជិះម៉ូតូឌុបគ្នាពាក់ផ្លាកលេខ កណ្តាល1C-3605 ក្នុងល្បឿនលឿនបានបុកគ្នា បណ្តាលឱ្យយុវជន២នាក់បាក់ជើង និង ពីរនាក់ទៀតរងរបួស។ជនរងគ្រោះសមត្ថកិច្ចមិនទាន់ទទួលបានអត្តសញ្ញាណទេដោយបញ្ជូនទៅមន្ទីរពេទ្យភ្លាមៗ៕