ចោរឆក់កាំភ្លើងខ្លីរបស់អធិការរងខណ្ឌមានជ័យត្រូវសមត្ថកិច្ចចាប់បានហើយ

ភ្នំពេញ៖ ជនសង្ស័យម្នាក់ដែលបានធ្វើសកម្មភាពឆក់ការបូបលោក ម៉េង វិមានតារា អធិការរងខណ្ឌមានជ័យពេលនេះកម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញឃាត់ខ្លួនបានហើយ កាលពីរវេលាម៉ោង ៦និង០០ នាទីល្ងាច នៅថ្ងៃទី ១៥ ខែ កញ្ញា ឆ្នាំ ២០១៨ កម្លាំងជំនាញរបស់ការិយាល័យបានស្រាវជ្រាវឃាត់ខ្លួនជនសង្ស័យបាន០១នាក់នៅចំណុច ផ្ទះសំណាក់ទិតហួរ ផ្លូវលំ សង្កាត់គោក ឃ្លាង ខណ្ឌ សែនសុខ។
ដែលបានធ្វើសកម្មភាព ឆក់កាបូបដៃ ពណ៌ខ្មៅ កាល ពីថ្ងៃទី១៣ខែសីហាឆ្នាំ២០១៨វេលាម៉ោង១និង០០នាទី រសៀលនៅចំណុចមុខផ្ទះលេខ៨ ផ្លូវលេខ២៩៤ ភូមិ៥ សង្កាត់ទន្លេបាសាក់ ខណ្ឌចំការមន។
ជនសង្ស័យដែលឃាត់ខ្លួនបានមានឈ្មោះម៉នសំនៀងភេទប្រុសអាយុ២៤ឆ្នាំមុខរបរមិនពិតប្រាកដស្នាក់នៅផ្ទះលេខ៦០E0Z ផ្លូវលេខ១២២ក្រុម៧០សង្កាត់មិត្តភាពខណ្ឌ៧មករា
ជនរងគ្រោះមានឈ្មោះ ម៉េង វិមានតារា ភេទ ប្រុស អាយុ ៣៧ ឆ្នាំ មុខរបរនគរបាល ស្នាក់នៅផ្ទះលេខ ១៥៤ ផ្លូវបេតុង ភូមិព្រែកតាឡុង សង្កាត់ ចាក់អង្រែ ក្រោម ខណ្ឌមានជ័យ រាជធានីភ្នំពេញ
សម្ភារៈបាត់បង់ អាវុធខ្លីម៉ាកGLOCK១៩ពណ៌ខ្មៅលេខAAMY៨៦០ផលិតនៅប្រទេសអាមេរិក ០១ដើម
បង់អាវុធខ្លី ចំនួន ០១ គ្រាប់ចំនួន ១៥ គ្រាប់ទូរសព្ទ័ដៃម៉ាកSamsungGalaxyS9 ពណ៌ ខ្មៅ ស៊ីមកាត លេខ ០៩៧៨៧៧៨៨៨១ ប័ណ្ណសម្គាល់យានយន្ត ពាក់ស្លាកលេខ ភ្នំពេញ ២AC- ៨៧៩៨ប័ណ្ណបើកបរ ចំនួន ០១ អត្តសញ្ញាណប័ណ្ណសញ្ជាតិខ្មែរ ចំនួន ០១ កាតATM ចំនួន ០៤ សន្លឹក ប្រាក់រៀល ចំនួន ៤ លានរៀល និងប្រាក់ដុល្លារ ២០ ដុល្លារអាមេរិក
វត្ថុតាងចាប់យកបាន អាវុធខ្លីម៉ាកGLOCK១៩ ពណ៌ខ្មៅ លេខAAMY៨៦០ផលិតនៅប្រទេសអាមេរិក ចំនួន០១ ដើម បង់អាវុធខ្លី ចំនួន ០១ គ្រាប់ចំនួន ០៤ គ្រាប់ ជារបស់ជនរងគ្រោះ ឈ្មោះ ម៉េង វិមានតារា ។
បច្ចុប្បន្នជនសង្ស័យខាងលើត្រូវបានបញ្ជួនទៅការិយា ល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមច្បាប់ ៕