សង្ស័យងួយដេកបើករ៉េចង្កូតជ្រុលទៅបុកក្បាលនាគ ចែកផ្លូវបាក់១កង់រថយន្តបែកកង់ទៅមុខលេងរួច

ភ្នំពេញ៖ រថយន្តម៉ាក TRITONមួយគ្រឿងបើកបរ ដោយបុរសម្នាក់សង្ស័យងងុយដេកខ្លាំងពេកក៏រ៉េចង្កូតជ្រុលទៅបុកក្បាលនាគពុះចែកផ្លូវបណ្ដាលឲ្យបាក់ ១កង់ ចំណែករថយន្តបានបែកកង់មុខទៅលេងរួច។
ហេតុការណ៍នេះបានកើតនៅវេលាម៉ោង១២នឹង២០ នាទីរំលងអាធ្រាតឈានចូលថ្ងៃទី១៨ ខែកញ្ញា ឆ្នាំ២០១៨ នៅតាមបណ្ដោយផ្លូវព្រះមុន្នីវង្ស កែងផ្លូវ លេខ៣៦០ ស្ថិតក្នុងសង្កាត់បឹងកេងកងទី១ ខណ្ឌចំការ មន រាជធានីភ្នំពេញ។

បើតាមប្រភពនៅកន្លែងកើតហេតុបានឲ្យដឹងថា រថយន្តបង្កម៉ាក TRITON ពណ៌ស ពាក់ស្លាក់លេខ ភ្នំពេញ 2S.7233 បើកបរដោយបុរសម្នាក់ជាជនជាតិខ្មែរទិសដៅពីត្បូងទៅជើងក្នុងល្បឿនលឿន លុះមកដល់ចំនុចកើតហេតុស្រាប់តែរ៉េចង្កូតទៅបុកក្បាលនាគពុះ ចែកទ្រូងផ្លូវពេញទំហឹងបណ្ដាលឲ្យបាក់អស់១កង់ នឹងរថយន្តបង្កបែកកង់ខាងមុខទៅលេង រួចសំណាងល្អមិនមានណាម្នាក់រងរបួសក្នុងហេតុការគ្រោះថ្នាក់ខាងលើនេះ ។

ក្រោយពេលកើតហេតុសម្ថកិច្ចមូលដ្ធានបាន ទំនាក់ ទំនងទៅមន្រ្តីចរាចរណ៍ជំនាញឲ្យចុះមកដើម្បីធ្វើការវាស់វែងនឹងស្ទួចយករថយន្តទៅរក្សាទុកនៅការិយាល័យចរាចរណ៍រាជធានីភ្នំពេញដើម្បីចាត់ការតាមនីតិវិធីច្បាប់៕