រថយន្តធំដឹកទូរកុងទឺន័របើកបុកម៉ូតូ បណ្តាលអោយបុរសម្នាក់ស្លាប់ នៅស្រុកព្រៃនប់

ព្រះសីហនុ៖ រថយន្តធំដឹកទូរកុងទឺន័រនិងម៉ូតូបានបុកគ្នាបណ្តាលឱ្យបុរសម្នាក់ស្លាប់ភ្លាមៗ បង្កការភ្ញាក់ផ្អើលស្ថិតនៅចន្លោះគីឡូម៉ែត្រ១៧១និង១៧២ក្នុងភូមិត្រពាំងគា ឃុំជើងគោ ស្រុកព្រៃនប់ខេត្តព្រះសីហនុកាលពីព្រលប់ថ្ងៃទី២៤ ខែមីនា ឆ្នាំ២០២១។

សាក្សីបានឱ្យដឹងថា៖គេឃើញម៉ូតូម៉ាកហុងដាឌ្រីពាក់ផ្លាកលេខ កោះកុង 1B-9825 ដែលបើកបរទិសដៅ ព្រះសីហនុទៅ ភ្នំពេញ ។អ្នកជិះម៉ូតូដែលស្លាប់ឈ្មោះ ឆា រដ្ឋា ភេទប្រុស អាយុ ៣៤ឆ្នាំ ទីលំនៅបច្ចុប្បន្ន ភូមិចម្រុងក្រោម ឃុំសំរុង ស្រុកព្រៃនប់ ខេត្ត ព្រះសីហនុ។

ម៉ូតូបានបុកជាមួយ រថយន្ត ម៉ាក់ហីយ៉ាន់ដាយដឹកទូរកុងទឺន័រពណ៌បៃតង់ពាក់ផ្លាកលេខ ភ្នំពេញ 3B-4161 ក្នុងទិសដៅស្របគ្នាក្រោយកើតហេតុ អ្នកបើកបររថយន្តរត់គេចខ្លួនបាត់៕