រន្ធត់ណាស់! ក្មេងប្រុសអាយុ១២ឆ្នាំម្នាក់ត្រូវឃាតករសម្លាប់ យកសពច្រកចូលបាវយក ទៅផ្លុងចោល
ភ្នំពេញ ៖ គួរឲ្យសង្វេកខ្លាំងណាស់ក្មេងប្រុសអាយុ១២ឆ្នាំម្នាក់ត្រូវបានឃាតករសម្លាប់យកទ្រព្យសម្បត្តិរួចយកសពច្រកចូលក្នុងបាវយកចោលក្នុងបន្ទប់ផ្ទះជួលជាន់ទី២ បង្កការភ្ញាក់ផ្អើលយ៉ាងខ្លាំងកាលពីវេលម៉ោង០៦និង៣០នាទីព្រលប់ថ្ងៃទី២៦ខែសីហាឆ្នាំ២០២១នៅភូមិត្រពាំងក្រសាំង ខណ្ឌ ពោធិ៍សែនជ័យ រាជធានីភ្នំពេញ។
សពក្មេងប្រុសរងគ្រោះមានឈ្មោះ គៀន ដារ៉ា ភេទប្រុសអាយុ១២ឆ្នាំ ស្នាក់នៅជាមួយម្តាយ មានស្រុកកំណេីតនៅស្រុកកោះក្រឡ ខេត្តបាត់ដំបង។
យោងតាមការរៀបរាប់ពីស្ត្រីជាម្តាយរបស់ជនរងគ្រោះបាន ប្រាប់អោយដឹងថា រូបគាត់បានមកស្នាក់នៅកន្លែងកេីតហេតុ អស់រយះពេល២ឆ្នាំមកហេីយ ដោយគាត់ជាស្ត្រីមេម៉ាយ មានកូនចំនួន២នាក់((ស្រីម្នាក់ប្រុសម្នាក់ កូនច្បងអាយុ១៥ឆ្នាំ))ចំណែកកូនប្រុសដែលស្លាប់អាយុ១២ឆ្នាំ។ ស្ត្រីជាម្ដាយជនរងគ្រោះបានបន្តថា នៅថ្ងៃកេីតហេតុ កូនប្រុសរបស់គាត់នៅបន្ទប់ជួលតែម្នាក់ឯង ឯរូបគាត់និងកូនស្រីច្បងបានទៅធ្វេីការនៅរោងចក្រ ។
ម្តាយក្មេងរងគ្រោះបានអោយដឹងទៀតថា ខណៈរូបគាត់កំពុងតែធ្វេីការស្រាប់តែមានគេបានខលប្រាប់ថាកូនប្រុសរបស់គាត់ត្រូវគេសម្លាប់ចោលក្នុងបន្ទប់បាត់ទៅហើយ ភ្លាមៗនោះរូបគាត់ក៏ប្រញាប់ ប្រញាពីនាក់កូនស្រីបងសូមគេចេញមុនម៉ោងដោយរោងចក្រតំរូវឲ្យថែមដល់ម៉ោង៨យប់ទើបឲ្យចេញ លុះមកបន្ទប់ជួលក៏មានការ ភ្ញាក់ផ្អេីលតែម្តង។
ជុំវិញករណីខាងលេីនេះផងដែរ ម្តាយជនរងគ្រោះប្រាប់ថា បានបាត់លុយញាត់ក្នុងកូនជ្រូកប្រមាណជា៣០០ដុល្លា និងគ្រឿងអលង្ការផ្លាកទីនចំនួន២ជី រួមនិងទូរស័ព្ទដៃ ០១គ្រឿងផងដែរ។ ដោយស្ត្រីម្ដាយជាជនរងគ្រោះបានសង្ស័យថា ជាករណីសម្លាប់ រួចប្លន់យកទ្រព្យសម្បត្តិ។
ក្រោយកើតហេតុសមត្ថកិច្ចមូលដ្ឋាននិងសមត្ថកិច្ចជំនាញចុះមកធ្វើការស្រាវជ្រាវដេីម្បីវែកមុខឃាតករ ។ ហើយដោយមានការសង្ស័យក៏បានឃាត់ខ្លួនបុរស ម្នាក់យកទៅសួរនាំនៅប៉ុស្តិ៍ប៉ូលិសភ្លាមៗ ។ បន្ទាប់មកសមត្ថកិច្ចជំនាញធ្វើកោសល្យវិច័យ រួចរាល់ក៏ប្រគល់សពទៅឲ្យសាច់ញាតិយកទៅធ្វើបុណ្យតាមប្រពៃណីនៅឯស្រុកកំណើត៕
