ណេតបង្កប់ល្បែងស៊ីដ៏ធំយីហោ CH បេីកដំណើរការនៅភូមិសាស្ត្រខណ្ឌដូនពេញ កំពុងលេីកមុខមាត់លោក សុខ ពេញវុធ និង លោក ទៀង ចាន់សារ
ភ្នំពេញ ៖ទីតាំងល្បែងស៊ីសងដ៏ធំយីហោ CH ស្ថិតនៅក្នុងភូមិសាស្ត្រខណ្ឌដូនពេញ រាជធានីភ្នំពេញ បេីកដំណើរការស្វាគមន៍អតិថិជនមកពីគ្រប់មជ្ឈដ្ឋាន ពិសេសហាក់កំពុងលេីកមុខមាត់លោក សុខ ពេញវុធ អភិបាលខណ្ឌដូនពេញ និងលោក ទៀង ចាន់សារ អធិការខណ្ឌដូនពេញ។
ទីតាំងល្បែងស៊ីសងដ៏ធំយីហោ CH នេះមានទីតាំងស្ថិតនៅ ក្រោយផ្សារកណ្តាល និងស្ថិតនៅជ្រកក្រោមស្លាកវីង នៅផ្ទះលេខ 17,18 តាមបណ្ដោយផ្លូវ 221 សង្កាស្រះចកខណ្ឌដូនពេញ រាជធានីភ្នំពេញ ដែរទល់មុខវត្តនាគវ័ន្ត។
ប្រភពច្បាស់ការណ៍មួយបានបង្ហើបប្រាប់ថា ទីតាំងណេតបង្កប់ល្បែងស៊ីដ៏ធំ យីហោ CH នេះមានមន្ដ្រីគ្រាក់ៗនៅពីក្រោយខ្នង សូម្បីលោក សុខ ពេញវុធ និង លោក ទៀង ចាន់សារ ក៏មិនហ៊ានទៅក្បែរដែរ។
ប្រជាពលរដ្ឋ ដាក់ការសង្ស័យថា ប្រហែល ជាម្ចាស់ទីតាំងមួយនេះសែនព្រេន ជូនដល់អាជ្ញាធរ និង សមត្ថកិច្ច ពាក់ពន្ធ័អស់ហើយទេដឹង ? ទើបបានជាមិនបង្ក្រាប បែរជា បណ្ដែតបណ្ដោយឲ្យក្រុមអ្នក ញៀនល្បែង មកចូលលេងយ៉ាង រលូនក្នុងមូលដ្ឋានខ្លួន បែបនេះ?
ពលរដ្ឋលើកឡើងថា ល្បែងស៊ីសងគ្រប់ប្រភេទ ជាឬសគល់នៃបទល្មើសចោរកម្ម លួច ឆក់ ប្លន់ និង ករណីហិង្សា ក្នុងគ្រួសារ ជាដើម ជាហេតុ នាំឲ្យប្រជាពលរដ្ឋ មានការព្រួយបារម្មណ៍ ភ័យខ្លាច និងភាពអសន្តិសុខ នៅក្នុងសង្គម។
កាលពីពេលថ្មីៗនេះ ក្រសួងសុខាភិបាល បានចេញសេចក្តីប្រកាសព័ត៌មានមួយជូនប្រជាពលរដ្ឋទូទាំងប្រទេសថា សូមមានការប្រុងប្រយ័ត្ន ចំពោះជំងឺកូវីត-១៩ ទើបនិងបំឡែងខ្លួនថ្មីឈ្មោះថា(អូមេក្រុង) ដោយឡែកទីតាំងល្បែងស៊ីសងមួយនេះហាក់មិនញញើតនឹងមិនគោរពតាមសារាចរណែនាំរបស់រាជរដ្ឋាភិបាលនឹងក្រសួងសុខាភិបាលនោះឡេីយ។
សូមបញ្ជាក់ថាក្នុងពិធីជំនួបសំណេះសំណាល ជាមួយប្រធានក្រុមប្រឹក្សាសង្កាត់ទាំង១១ នៃខណ្ឌដូនពេញ នារសៀលថ្ងៃទី៨ ខែកុម្ភៈឆ្នាំ២០២២ នៅទីស្នាក់ការគណបក្ស ប្រជាជនកម្ពុជាខណ្ឌដូនពេញ លោក ឃួង ស្រេង អភិបាល នៃគណ:អភិបាលរាជធានីភ្នំពេញបានដាក់បទបញ្ជាទៅសមត្ថកិច្ច ក៏ដូចអាជ្ញាធរមូលដ្ឋានខណ្ឌទាំង ១៤ ត្រូវបង្ក្រាបល្បែងស៊ីសងខុសច្បាប់និងគ្រឿងញៀនឲ្យអស់ ។
សូមរំលឹកថា កន្លងមកសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ ធ្លាប់ដាក់បទបញ្ជាឲ្យមន្ត្រីនគរបាលពាក់ពន្ធ័ ក្រោមឱវ៉ាទ ទូទាំងប្រទេសត្រូវតែបង្ក្រាបរាល់ល្បែងសុីសងខុសច្បាប់គ្រប់ប្រភេទ មិនត្រូវមានការយោគយល់ឡើយ ដើម្បីធានាឲ្យបាននូវ សុខសុវត្ថិភាពជួនប្រជាពលរដ្ឋ ឲ្យស្របតាម គោលនយោបាយ ភូមិ ឃុំ មានសុវត្តិភាពទាំង ៧ចំណុច របស់រដ្ឋាភិបាល ដែលដាច់ចេញដោយក្រសួងមហាផ្ទៃ ។
ទោះជាយ៉ាងណាក្តីប្រជាពលរដ្ឋ នៅតែទទូចស្នើសុំដល់មន្ត្រីពាក់ព័ន្ធជាពិសេស លោក សុខ ពេញវុធ អភិបាលខណ្ឌដូនពេញ និង លោក ទៀង ចាន់សារ អធិការខណ្ឌដូនពេញ មេត្តាចុះត្រួតពិនិត្យនិងបង្ក្រាបទីតាំងល្បែងស៊ីសង((ហ្គេមណេត យីហោCH និងជាកន្លែងដែលគេសង្ស័យប្រេីប្រាស់គ្រឿងញៀន))ដើម្បីរក្សាបាននូវសន្តិសុខសុវត្ថិភាពជូនពលរដ្ឋនិងឲ្យស្របតាមគោលនយោបាយ ភូមិ សង្កាត់ មានសុវត្ថិភាពទាំង៧ចំណុចរបស់ក្រសួងមហាផ្ទៃ ៕ 
