នគរបាលប៉ុស្តិ៍ស្ទឹងមានជ័យទី៣ ឃាត់ខ្លួនជនសង្ស័យ៣នាក់ ករណី(គាស់ទ្វារ របងលួចយកទ្រព្យសម្បត្តិប្រជាពលរដ្ឋ )
ភ្នំពេញ ៖ កម្លាំងនគរបាល ប៉ុស្តិ៍រដ្ឋបាលស្ទឹងមានជ័យទី៣ ល្បាតក្នុងមូលដ្ឋាន ឃាត់ខ្លួនបានជនសង្ស័យចំនួន៣នាក់ ៖ ហេតុការណ៍នេះកេីតឡេីងកាលពីថ្ងៃទី០៧ ខែឧសភា ឆ្នាំ២០២២ វេលាម៉ោង០៤ និង០០ នាទីទៀបភ្លឺ នៅចំណុចផ្ទះលេខ157B ផ្លូវលំ ភូមិឬស្សី សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
លោក ឯម ភារី នាយប៉ុស្តិ៍ នគរបាលស្ទឹងមានជ័យទី៣ បានឲ្យ មុនកេីតហេតុ ជនរងគ្រោះឈ្មោះ ផេង ចាន់ណា ភេទស្រី អាយុ៤២ ឆ្នាំបានយកម៉ូតូមួយគ្រឿង ម៉ាកហុងដាវ៉េវ ពណ៌ខ្មៅ ពាក់ស្លាកលេខ ភ្នំពេញ 1P-2745 ទុកក្នុងរបងមុខផ្ទះ រួចចូលទៅសម្រាកក្នុងផ្ទះជាមួយក្រុមគ្រួសារ ពេលនោះជនសង្ស័យឈ្មោះ ថុនា និងបក្ខពួក២ នាក់ទៀតមិនស្គាល់ ឈ្មោះ បានជិះម៉ូតូមួយគ្រឿងម៉ាក(អេសហ្សេត)FZ ពណ៌ក្រហម ពាក់ស្លាកលេខភ្នំពេញ1HC-4794បានមកធ្វើសកម្មភាព ចាប់ទាញគាស់ត្រចៀកទ្វាររបងចូលលួចយកម៉ូតូរបស់ជនរងគ្រោះរួចជិះគេចខ្លួនបាត់។ បន្ទាប់មកជន សង្ស័យឈ្មោះ ថុនា បានជិះម៉ូតូម៉ាក (អេសហ្សេត)F2 ពណ៌ ក្រហម ឌុបបក្ខពួកឈ្មោះ ផេង ដារ៉ា និងហៅ បក្ខពួកឈ្មោះ ហាក់ ចាន់បូរី ឈ្មោះ សួន ដេវីត ជិះម៉ូតូមួយគ្រឿងទៀត ម៉ាក ហុងដាប៊ីត(HondaBeat) ពណ៌ខៀវ លាយស ពាក់ស្លាកលេខ ភ្នំពេញ1HC-4794 មកលួចយកទ្រព្យ សម្បត្តិនៅក្នុងផ្ទះ របស់ជនរងគ្រោះ ម្ដងទៀត។
ខណៈពេលនោះ កម្លាំងល្បាតនគរបាលប៉ុស្តិ៍ស្ទឹងមានជ័យទី៣ បានម៉ូតូល្បាតមកឃើញទាន់ក៏ដេញចាប់ឃាត់ខ្លួនជនសង្ស័យបានចនួន៣នាក់ យកមកសាកសួរនៅស្នាក់ការប៉ុស្តិ៍ ។ ចំណែកបក្ខពួកផ្សេងទៀតបានរត់ គេចខ្លួនបាត់ ។
បន្ទាប់មកជនរងគ្រោះក៏បានមកដាក់ពាក្យបណ្ដឹងនៅស្នាក់ការប៉ុស្តិ៍ស្ទឹងមានជ័យទី៣ ឲ្យចាត់ការតាមច្បាប់តែម្ដង។
សមត្ថកិច្ចបានឲ្យដឹងថា ជនរងគ្រោះឈ្មោះ ផេង ចាន់ណា ភេទស្រី អាយុ៤២ ឆ្នាំ មុខរបរមេផ្ទះ ស្នាក់នៅចំណុចកើតហេតុខាងលើ។
-ចំណែកជនសង្ស័យទី១ ឈ្មោះ ហេងតារាហៅចយភេទប្រុសអាយុ ១៨ ឆ្នាំជនជាតិខ្មែរ មុខរបរ មិនពិតប្រាកដស្នាក់នៅផ្ទះជួលផ្លូវលំ ភូមិឬស្សី២ សង្កាត់មានជ័យទី២ ខណ្ឌមានជ័យ រាជធានីភ្នំពេញ ឃាត់ខ្លួន(មានផ្ទុកសារធាតុញៀន)។
-ជនសង្ស័យទី២ ឈ្មោះ ហាក់ ចាន់បូរី ភេទប្រុស អាយុ ២៥ ឆ្នាំ ជនជាតិខ្មែរ មុខរបរ មិនពិតប្រាកដស្នាក់នៅផ្ទះជួលផ្លូវលំ ភូមិឬស្សី សង្កាត់ស្ទឹងមានជ័យ២ ខណ្ឌមាន ជ័យ ឃាត់ខ្លួន(មានផ្ទុកសារធាតុញៀន)។
-ជនសង្ស័យទី៣ ឈ្មោះ សួន ដេវីត ភេទប្រុស អាយុ១៩ ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ ឃាត់ខ្លួន(មានផ្ទុកសារធាតុញៀន)។
-ជនសង្ស័យទី៤ ឈ្មោះ ថុនា ភេទប្រុស អាយុប្រហែល ២៨ឆ្នាំ និងបក្ខពួក២នាក់ទៀត ភេទប្រុស មិនស្គាល់អត្តសញ្ញាណគេចខ្លួន។
វត្ថុតាងចាប់យក: ម៉ូតូចំនួន២ គ្រឿង ម៉ាកហុងដាប៊ីត(Honda Beat)ពណ៌ស លាយខៀវ ពាក់ស្លាកលេខ ភ្នំពេញ1HC-4794 និងម៉ាក(យ៉ាម៉ាហាអេសហ្សេត) YamahaFZ ពណ៌ក្រហម ពាក់ស្លាកលេខ ភ្នំពេញ 1DE-6553 ជារបស់ជនសង្ស័យ។
បច្ចុប្បន្នជនសង្ស័យទាំងបីនាក់សមត្ថកិច្ចកំពុងធ្វើការសាកសួរនៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី៕
