កំពូលចោរពូកែដើរលួចមាន់ជល់របស់អ្នកស្រុក ត្រូវជាប់អន្ទាក់របស់សមត្ថកិច្ច
កណ្ដាល ៖ ជនសង្ស័យ២នាក់ដែលសកម្មខាងដេីរលួច មាន់ជល់ របស់អ្នកភូមិត្រូវអស់ល័ក្ខជាប់អន្ទាក់របស់សមត្ថកិច្ច ៖ហេតុការណ៍ ឃាត់ខ្លួនជនសង្ស័យខាងលេីធ្វេីឡេីងកាលពីថ្ងៃទី១៩ ខែមិថុនា ឆ្នាំ២០២២ វេលាម៉ោង០៦និង ០០នាទីព្រឹក នៅភូមិកំពង់សំបួរលើ ឃុំព្រែកថ្មី ស្រុកកោះធំ ខេត្តកណ្ដាល។
- ជនរងគ្រោះមានឈ្មោះ គង់ វាសនា ភេទប្រុស អាយុ៣៧ឆ្នាំ មុខរបរ(កម្មកររោងចក្រ) ទីលំនៅភូមិកំពង់សំបួរលើ ឃុំព្រែកថ្មី ស្រុកកោះធំ ខេត្តកណ្ដាល។
– ជនសង្ស័យដែលសមត្ថកិច្ចឃាត់ខ្លួនមានគ្នា ០២នាក់ ៖
១. ឈ្មោះ គិន លាងហ៊ ភេទប្រុស អាយុ៣០ឆ្នាំ មុខរបរជាងសំណង់ ទីលំនៅភូមិកំពង់ ស្វាយក្រោម ឃុំព្រែកថ្មី ស្រុកកោះធំ ខេត្តកណ្ដាល។
២. ឈ្មោះ មីត រំលី (ហៅត្រេន) ភេទប្រុស អាយុ២៨ឆ្នាំ មុខរបរមិនពិតប្រាកដ រស់នៅ ភូមិចាមក្រោម ឃុំព្រែកថ្មី ស្រុកកោះធំខេត្តកណ្ដាល ។
-វត្ថុតាងចាប់យក ៖ សត្វមាន់គក ចំនួន០២ក្បាល ។ (ត្រូវបានសមត្ថកិច្ច ប្រគល់ឲ្យជនរងគ្រោះវិញ)
សមត្ថកិច្ចបានឲ្យដឹងថា កន្លងមកជនសង្ស័យ និងបក្ខពួក ធ្លាប់ធ្វើសកម្មភាពលួចមាន់ជល់របស់អ្នកភូមិជាញឹកញាប់ ហើយត្រូវបានសមត្ថកិច្ចនគរបាលប៉ុស្តិ៍រដ្ឋបាលព្រែកថ្មីកោះហៅ មកអប់រំណែនាំធ្វើកិច្ចសន្យា ឲ្យបញ្ឈប់សកម្មភាពលួចចំនួន០១លើករួចមកហើយតែក្រុមជនសង្ស័យមិនរាងចាលនោះទេ ! សមត្ថកិច្ចបន្តថា កាលនៅថ្ងៃទី១៩ ខែមិថុនា ឆ្នាំ២០២២ វេលាម៉ោង០២ និង ០០នាទី ជនសង្ស័យទាំង០២ នាក់បានជិះម៉ូតូមួយគ្រឿង ម៉ាក់គុបមូលចាស់ នាំគ្នាចេញពីចំណុចភូមិកំពង់ស្វាយក្រោម ឃុំព្រែកថ្មី ស្រុកកោះធំ ខេត្តកណ្ដាល ធ្វើដំណើរមកដល់ចំណុចកើតហេតុខាងលើជនសង្ស័យឈ្មោះ មីត រំលី បានផ្លោះរបងចូលទៅក្នុងទ្រុងមាន់របស់ជនរងគ្រោះ រួចធ្វើសកម្មភាពលួចមាន់នៅក្នុងទ្រុងមាន់ បានចំនួន២ ក្បាលរួចក៏បានយកមាន់មកក្រុងទុកនៅចំណុចក្រោយផ្ទះរបស់ជនសង្ស័យឈ្មោះ គិន លាងហ៊ ។
លុះដល់វេលាម៉ោង ០៦និង ០០ នាទី ថ្ងៃខែឆ្នាំដដែល ជនរងគ្រោះបានដើររកមាន់របស់ខ្លួនដែលបានបាត់ ស្រាប់តែឃើញមាន់របស់ខ្លួនចំនួនពីរក្បាល ក្រុងទុកនៅខាងក្រោយផ្ទះរបស់ជនសង្ស័យ ឈ្មោះ គិន លាងហ៊ រួចជនរងគ្រោះដែលជាម្ចាស់មាន់បានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលព្រែកថ្មីដេីម្បីឲ្យសមត្ថកិច្ច ជួយអន្តរាគមន៍ ។
ភ្លាមៗនោះកម្លាំងសមត្ថកិច្ចនគរបាលប៉ុស្តិ៍រដ្ឋបាលព្រែកថ្មី បានចុះទៅដល់កន្លែងកើតហេតុ ធ្វើការឃាត់ខ្លួនជនសង្ស័យ ឈ្មោះ គិន លាងហ៊ រួមទាំង វត្ថុតាងសត្វមាន់គក បញ្ជូនមកកាន់អធិការដ្ឋាននគរបាលស្រុកកោះធំ លុះដល់រសៀលថ្ងៃដដែល កម្លាំងសមត្ថកិច្ចបានបន្តឃាត់ខ្លួនជនសង្ស័យ ម្នាក់ទៀត ឈ្មោះ មីន រំលី នៅភូមិព្រែក តាហ៊ីង ឃុំព្រែកថ្មី យកមកកាន់អធិការដ្ឋាននគរបាលស្រុក ។
បច្ចុប្បន្ន ជនសង្ស័យទាំង២នាក់រួមនិងវត្ថុតាងត្រូវបានសមត្ថកិច្ច ឃាត់ខ្លួននៅអធិការនគរបាលស្រុកកោះធំ ដេីម្បីចាក់ការបន្តតាមនិតិវិធី ច្បាប់ ៕
