សង្វេកណាស់មួយឡានគ្នា៣នាក់ស្លាប់ទាំងអស់
បាត់ដំបង ៖ យ៉ាងហោចណាស់មនុស្សចំនួន០៣នាក់បានស្លាប់បាត់បង់ជីវិតភ្លាមៗនៅនិងកន្លែងក្នុងហេតុគ្រោះថ្នាក់ចរាចរណ៍រវាងរថយន្តធន់ធំដឹកថ្មបើកបុករថយន្ត ព្រួស អូសជាច្រេីនម៉ែត្រ ៖ ករណីគ្រោះថ្នាក់ចរាចរណ៍ដ៏រន្ធត់នេះបានកេីតឡេីងកាលពីវេលាម៉ោង០៣និង៣០នាទីរសៀលថ្ងៃទី០៧ខែតុលាឆ្នាំ២០២២ នៅកំណាត់ផ្លូវហាយវេ ភូមិកំពង់ពិល ឃុំវត្តតាម៉ឹម ស្រុកសង្កែ ខេត្តបាត់ដំបង។
យោងតាមប្រភពព័ត៌មាន នៅកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្តម៉ាកព្រួស មួយគ្រឿងពណ៍ស ពាក់ស្លាកលេខ ភ្នំពេញ 2AW-6316 បេីកបរដោយបុរសម្នាក់រួមដំណេីតនិងបុរស២នាក់ទៀតដោយធ្វើដំណើរទិសដៅពីត្បូងទៅជើង លុះមកដល់ចំណុចកើតហេតុខណៈដែលរថយន្តព្រួសកំពុងបើកឆ្លងផ្លូវ ភ្លាមនោះក៏ស្រាប់តែមានរថយន្តធន់ធំមួយគ្រឿង(ដឹកថ្ម)ពណ៌ទឹកប្រាក់ ពាក់ស្លាកលេខ ភ្នំពេញ 3G-1109 បើកបរដោយបុរសមិនស្គាល់ឈ្មោះ បេីកក្នុងល្បឿនយ៉ាងលឿនទិសដៅពីលិចទៅកើតបានទៅជ្រុលទៅបុករថយន្ត ព្រួស ពេញទំហឹងអូសជិត ១០០ម៉ែត្រ បណ្តាលអោយអ្នកបើកបរនិងអ្នករួមដំណើរក្នុងរថយន្តព្រួស ចំនួន០៣នាក់បានស្លាប់ទាំងអស់ ចំណែករថយន្តខូចខាតយ៉ាងដំណំ ។
ក្រោយពេលកើតហេតុសមត្ថកិច្ចជំនាញបានចុះទៅវាស់វែង យករថយន្តទាំងពីរគ្រឿងទៅរក្សាទុកនៅការិយាល័យចរាចរណ៍ផ្លូវគោករងចាំដោះស្រាយគ្នាតាមផ្លូវច្បាប់ ។ ចំណែកសពជនរងគ្រោះត្រូវបានសមត្ថកិច្ចធ្វើកំណត់ហេតុប្រគល់ជួនសាច់ញាតិយកទៅរៀបចំធ្វើបុណ្យតាមប្រពៃណី។
