បុរសម្នាក់(ត)ខ្សែភ្លេីងឆក់ត្រី ភ្លាត់ស្នៀតឆក់ខ្លួនឯងស្លាប់
ស្វាយរៀង ៖ គួរឲ្យសង្វេកបុរសម្នាក់បានស្លាប់បាត់បង់ជីវិត នៅក្នុងទឹកស្រែ យ៉ាងអាណោចអធម៌ ខណៈ ដែលរូបគាត់(ត)ខ្សែភ្លេីងឆក់ត្រី ភ្លាត់ស្នៀតឆក់ខ្លួនឯង ៖ ហេតុការណ៍ភ្ញាក់ផ្អេីលនេះបានកេីតឡេីងកាលពីវេលាម៉ោងប្រហែល០១រសៀលថ្ងៃទី១៤ខែវិច្ឆិកាឆ្នាំ២០២២ នៅភូមិពោនកក ឃុំឈេីទាល ស្រុកស្វាយជ្រំ ខេត្តស្វាយរៀង ។
សពបុរសរងគ្រោះមានឈ្នោះ កែវ សំណាង ភេទប្រុស អាយុ៣៧ឆ្នាំមានទីលំនៅក្បែកន្លែងកេីតហេតុ ភូមិពោនកក ឃុំឈេីទាល ស្រុកស្វាយជ្រំ ខេត្តស្វាយរៀង ។
បេីយោងតាមប្រភព ព័ត៌មានពីប្រជាពលរដ្ឋនៅក្បែកន្លែងកេីតហេតុបានឲ្យដឹងថា នៅថ្ងៃកេីតហេតុវេលាម៉ោងប្រហែល០៩ព្រឹកជនរងគ្រោះបាន(ត)ខ្សែភ្លេីងដេីម្បីឆក់ត្រីរហូតដល់ម៉ោងប្រហែល០១រសៀលនៅថ្ងៃដដែល ជាអកុសល ភ្លាត់ស្នៀត ក៏ឆក់ខ្លួនឯងបណ្ដាលឲ្យស្លាប់តែម្ដង ។
ប្រភពបន្តថា បន្ទាប់ពីឆក់ភ្លាមៗបងប្អូនប្រជាពលរដ្ឋនៅក្បែនោះបានរត់ទៅមេីលនិងបានជួយលេីកឡេីងជួយសង្គ្រោះបឋមតែជនរងគ្រោះបានស្លាប់បាត់ទៅហេីយ ។
ប្រភពដដែលបន្តទៀតថា ភ្លាមនោះបងប្អូននិងក្រុមគ្រួសារជនរងគ្រោះបានយកជនរងគ្រោះទៅកម្កល់នៅផ្ទះហេីយបានរាយការទៅសមត្ថកិច្ចមូលដ្ឋាន មកពិនិត្យនៅកន្លែងកេីតហេតុ ។
បន្ទាប់ពីសមត្ថកិច្ចចុះមកពិនិត្យធ្វេីកោសលវិច្ឆ័យនិងកំណត់ហេតុរួចរាល់ ក៏បានប្រគល់សពជនរងគ្រោះអោយក្រុមគ្រួសារនិងសាច់ញាតិធ្វេីបុណ្យតាមប្រពៃណី ៕
