បុរសម្នាក់សតិមិនល្អកាន់ស្រាដេីរឆ្លងផ្លូវ ត្រូវស្ត្រីម្នាក់ជិះម៉ូតូប៉ះដួលបែកក្បាល
ស្វាយរៀង ៖ ស្ត្រីចំណាស់ម្នាក់ជិះម៉ូតូត្រឡប់មកពីលក់ដូរ ផ្លូវឆ្ងាយ ខណៈជិតដល់ផ្ទះ ទៅហេីយ ក៏ជួបគ្រោះថ្នាក់ចរាចរណ៍បុកបុរសម្នាក់ដែលមានសតិមិនសូវល្អ បណ្ដាលឲ្យរងរបួសទាំងសងខាង ចំណែកម៉ូតូខូចខាតបន្តិចបន្តួច ៖ ហេតុការណ៍នេះបានកេីតឡេីងកាលពីវេលាម៉ោង០៦និង៣០នាទីព្រលប់ថ្ងៃទី៣១ខែសីហាឆ្នាំ២០២៣ នៅតាមបណ្ដោយផ្លូវកៅស៊ូ ភូមិអង្គឫស្សី ឃុំស្វាយធំស្រុកស្វាយជ្រំ ខេត្តស្វាយរៀង ។
តាមប្រភពព័ត៌មាន នៅកន្លែងកេីតហេតុបានឲ្យដឹងថា មុនដំបូងគេឃេីញបុរសរងគ្រោះដែលជាមនុស្សមានសតិមិនល្អ បានដេីរឆ្លងផ្លូវទិសដៅពីត្បូងទៅជេីង ខណៈរូបគាត់កំពុងដេីរ ក៏ស្រាប់តែមានម៉ូតូ១គ្រឿងមានហុងដា C125 ពណ៌ខ្មៅ ពាក់ផ្លាកលេខ ស្វាយរៀង.1Q-2597 បេីកបរដោយស្ត្រីម្នាក់ ទិសដៅពីកេីតទៅលិច លុះមកដល់ចំណុចកេីតហេតុក៏បានបុកបុរសដែលដេីរឆ្លងផ្លូវបណ្ដាលឲ្យបុរសរងគ្រោះដួលបែកក្បាលនិងរលាត់ជេីង ចំណែកស្ត្រីដែលជាអ្នកបេីកម៉ូតូ បែកមុខបែកមាត់ ។
ប្រភពបន្តថា ភ្លាមៗនោះស្ត្រីអ្នកបេីកម៉ូតូនិងបុរសដែលដេីរឆ្លងផ្លូវ ត្រូវបានបងប្អូនប្រជាពលរដ្ឋដឹកតាមម៉ូតូយកទៅពេទ្យរៀងខ្លួន ។
បន្ទាប់មកសមត្ថកិច្ចមូលដ្ឋានបានមកដល់ពិនិត្យកន្លែងកេីតហេតុនិងបានយកម៉ូតូទៅរក្សាទុកនៅប៉ុស្តិ៍នគរបាលរងចាំដោះស្រាយនៅពេលក្រោយ ៕
