ជិះម៉ូតូលឿនមិនប្រយត្ន័ជ្រុលទៅបុកសត្វគោដេីរឆ្លងផ្លូវពេញទំហឹងស្លាប់ទាំងគោទាំងអ្នកបេីកម៉ូតូ
ភ្នំពេញ ៖ អាសូណាស់ ! បុរសម្នាក់បាក់កស្លាប់ភ្លាមៗនៅកន្លែងកើតហេតុ រួមនិងសត្វគោមួយក្បាលបានងាប់ ខណ:ដែលបុរសរងគ្រោះជិះម៉ូតូលឿនមិនប្រយ័ត្នក៏ជ្រុលទៅបុកសត្វគោកំពុងតែដើរឆ្លងផ្លូវ ៖ហេតុការណ៍គ្រោះថ្នាក់ចរាចរណ៍ខាងលើនេះបង្កឲ្យមានការភ្ញាក់ផ្អើលកាលពីវេលាម៉ោង ១១និង ១០ នាទីយប់ថ្ងៃទី ៣០ ខែកញ្ញាឆ្នាំ ២០២៣ នៅតាមបណ្ដោយផ្លូវ ៥០ ម៉ែត្រស្ថិតនៅភូមិព្រែកប្រណាក សង្កាត់ជើងឯក ខណ្ឌដង្កោ។
បើយោងតាមប្រភពព័ត៌មានបានឲ្យដឹងថា មុនពេលកើតហេតុគេឃើញអ្នកសារព័ត៌មានម្នាក់បានជិះម៉ូតូតាមផ្លូវ៥០ ម៉ែត្រក៏បានឃើញសត្វគោមួយហ្វូងពេញផ្លូវ ពេលនោះបុរសជាអ្នកសារព័ត៌មានរូបនោះបានឈប់ម៉ូតូធ្វើការឡាយដើម្បីជូនជាដំណឹងឲ្យប្រជាពលរដ្ឋដែលធ្វើដំណើរតាមផ្លូវ ៥០ ម៉ែត្រមានការប្រុងប្រយ័ត្ន ព្រោះថាផ្លូវខាងលើនេះមានសត្វគោមួយហ្វូងមិនដឹងម្ចាស់នៅណានោះទេ ខ្លាចបងប្អូនប្រជាពលរដ្ឋគ្រោះថ្នាក់ដោយសារសព្វគោ ។
ប្រភពដដែលបានបន្តថា ខណៈដែលបុរសជាអ្នកសារព័ត៌មានកំពុងតែធ្វើការឡាយសត្វគោមួយហ្វូងដេីរឆ្លងផ្លូវ ក៏មានរថយន្តមួយគ្រឿងមិនចាំម៉ាកបានបេីកតាមបណ្ដោយផ្លូវ ៥០ម៉ែត្រទិសដៅពីលិចទៅកើតមកដល់ចំណុចកើតហេតុក៏បានបន្ថយល្បឿនដើម្បីឲ្យសត្វគោដើរឆ្លងផ្លូវ ស្របពេលនោះដែរបុរសរងគ្រោះបានជិះម៉ូតូមួយគ្រឿង ម៉ាក MX KINGពណ៌ខ្មៅពាក់ស្លាកលេខ ភ្នំពេញ 1KG- 6201 ជិះតាមបណ្ដោយផ្លូវ៥០ម៉ែត្រ ទិសដៅពីកើតទៅលិចក្នុងល្បឿនលឿនដោយខ្វះប្រុងប្រយ័ត្នក៏ជ្រុលទៅបុកហ្វូងគោដែលកំពុងដើរឆ្លងផ្លូវបណ្ដាលឱ្យគោមួយក្បាលងាប់ នៅកន្លែងកើតហេតុ ចំណែកបុរសជាជនរងគ្រោះបានដួលបោកក្បាលនិងថ្នល់បាក់កស្លាប់យ៉ាងអាណោចអាធម៌ ។
ក្រោយពេលកើតហេតុសមត្ថកិច្ចមូលដ្ឋានបានចុះទៅដល់និងបានរាយការណ៍ទៅសមត្ថកិច្ចជំនាញចរាចរណ៍ខណ្ឌដង្កោឲ្យចុះទៅធ្វើការវាស់វែង ធ្វេីកំណត់ហេតុយកម៉ូតូនិងសត្វគោមករក្សាទុកនៅអធិការដ្ឋានខណ្ឌដង្កោដើម្បីបន្តនិតិវិធី ស្រាវជ្រាវរកម្ចាស់គោឲ្យចូលខ្លួនមកដោះស្រាល ។
ចំណែកសពត្រូវបានសមត្ថកិច្ចដឹកមកតម្កល់នូវវត្តសំបួរមាសដើម្បីស្វែងរកសាច់ញាតិមកយកទៅធ្វើបុណ្យទៅតាមប្រពៃណី ៕
