សមត្ថកិច្ចឃាត់ខ្លួនជនសង្ស័យម្នាក់រួមនិងថ្នាំញៀន០៨កញ្ចប់តូច

ភ្នំពេញ៖ កម្លាំងសមត្ថកិច្ចខណ្ឌដូនពេញឃាត់ខ្លួនជនសង្ស័យម្នាក់ដកហូតថ្នាំញៀន០៨កញ្ចប់តូច
ហេតុការណ៍នេះបានកើយឡើងកាលពីវេលាម៉ោង ០៥និង៣០ល្ងាចថ្ងៃទី១៣ ខែតុលា ឆ្នាំ២០១៨ នៅ ចំណុចផ្ទះឈើបាក់បែក ផ្លូវរថភ្លើង ក្រុម៣៩ ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ។
ជនសង្ស័យមានឈ្មោះ ប៉ា គុណធឿន ភេទប្រុស អាយុ៣២ឆ្នាំជនជាតិខ្មែរ មុខរបរ មិនពិតប្រាកដស្នាក់ នៅផ្ទះលេខ១០អឺ៣អគារដេ ផ្លូវលេខ១២ សង្កាត់ វាល់វង្ស ខណ្ឌ៧មករា រាជធានីភ្នំពេញ ។
សមត្ថកិច្ចបានឲ្យដឹងថា មុនពេលកើតហេតុកម្លាំងសមត្ថកិច្ចប៉ុស្តិ៍នគរបាលរដ្ឋបាលស្រះចក បានល្បាត នៅក្នុងមូលដ្ឋានខណៈដល់ចំណុចផ្ទះឈើបាក់បែកផ្លូវ រថភ្លើង ក្រុម៣៩ ភូមិ៣ សង្កាត់ស្រះចក ពេលនោះកម្លាំងសមត្ថកិច្ចបានឃើញជនសង្ស័យ កំពុងធ្វើ សកម្មភាពលក់គ្រឿងញៀន ភ្លាមៗនោះកម្លាំងសមត្ថកិច្ចបានធ្វើការ ឃាត់ជាក់ស្តែងនិងឆែកឆេរកឃើញក្រាមពណ៌សថ្លាសង្ស័យជាគ្រឿងញៀនចំនួន០៨កញ្ចប់តូច(ប្រាំបីកញ្ចប់តូច) កាន់នៅនឹងដៃ ទើបឃាត់ខ្លួននាំមកកាន់ទីស្នាក់ការប៉ុស្តិ៍នគរបាលរដ្ឋបាលស្រះចកដើម្បីធ្វើការសាកសួរ។
បច្ចុប្បន្នជនសង្ស័យនិងវត្ថុតាងត្រូវបានសមត្ថកិច្ចកសាងសំណុំរឿងបញ្ជូនទៅអធិការដ្ឋាននគរបាលខណ្ឌដូនពេញ ចាត់ការបន្តតាមនិតិវិធី ៕