សមត្ថកិច្ចឃាត់ជនសង្ស័យប្រុសស្រី៨នាក់ដកហូត ថ្នាំ១៣កញ្ចប់
ភ្នំពេញ៖ កម្លាំងសមត្ថកិច្ចនគរបាល ខណ្ឌជ្រោយចង្វារឆ្មក់ចូលបង្ក្រាប ក្រុមអ្នកជួញដូរនិងប្រើប្រាស់គ្រឿងញៀននៅតំបន់ស្មុកស្មាញក្រោយវិហារឯករង្សី ឃាត់ខ្លួនជនសង្ស័យ៨នាក់រួមទាំងថ្នាំញៀនចំនួន១៣កញ្ចប់
ប្រត្តិបត្តិការនេះធ្វើឡើងនៅវេលាម៉ោង១២ថ្ងៃត្រង់ថ្ងៃទី១៣ វិច្ឆិការ២០១៨ នៅចំណុចក្រោយវិហារឯករង្សី ភូមិ២ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
សមត្ថកិច្ចបានឲ្យដឹងថាជនសង្ស័យដែលឃាត់ខ្លួនទាំង៨នាក់មាន២នាក់ជាមុខសញ្ញាជួញដូរថ្នាំញៀន ដែលសមត្ថកិច្ចតាមប្រម៉ាញ់ រកចាប់ខ្លួន ចំណែក៦នាក់ទៀត ជាអ្នកប្រាស់ បន្ទាប់ពីឃាត់ខ្លួនកម្លាំងសមត្ថកិច្ចបាននាំយក ទៅធ្វើការសាកសួរ ។
បច្ចុប្បន្នជនសង្ស័យ ទាំង៨នាក់ រួមនិងវត្ថុតាង បាននាំមកកាន់ផ្នែកជំនាញនៃអធិការដ្ឋាននគរបាលខណ្ឌជ្រោយចង្វារ ដើម្បីសួរនាំ កសាងសុំណុំរឿង រួចឃុំខ្លួនជាបណ្តោះអាសន្ន បញ្ចូនទៅកាន់សាលាដំបូងរាជធានីភ្នំពេញ ចាត់ការតាមនិតិវិធីច្បាប់ ៕
