ស្រវឹងស្រាជោគជាំបើករថយន្តបុករះរឺម៉កម៉ូតូកង់បីនិងម៉ូតូជាច្រើនគ្រឿងបណ្ដាលឲ្យម្ចាស់កង់បីម្នាក់របួសធ្ងន់
ភ្នំពេញ៖ បុរសម្នាក់ស្រវឹស្រាធ្លាក់ភ្នែកបើករថយន្តស៊េរីម៉ាកហ្វរន័មួយគ្រឿងមិនប្រយត្ន័ជ្រុលចង្កូតទៅបុករឺម៉កម៉ូតូកង់បី១គ្រឿងនិងបន្តបុករះម៉ូតូ៣គ្រឿងទៀតដែលចតស្រៀមនៅមុខភោជនីយដ្ឋាន វិចិត្រ សម្បត្តិ រុញអូសជាច្រើនម៉ែត្របណ្តាលឲ្យម្ចាស់កង់បីម្នាក់រងរបួសធ្ងន់។
ហេតុការណ៍នេះកើតឡើងកាលពីវេលាម៉ោង១១និង១០នាទីយប់ថ្ងៃទី១៨ខែវិច្ឆការឆ្នាំ២០១៨នៅចំណុចមុខភោជនីយដ្ឋាន(វិចិត្ត សម្បត្តិ)តាមបណ្តោយផ្លូវ២១៥កែងនិង១៥០ ស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
បើតាមប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់បើកស៊េរីទំនើបមួយគ្រឿងម៉ាកហ្វរន័ពណ៌ស ពាក់ស្លាកលេខភ្នំពេញ2AK-8666ធ្វើដំណើរតាមបណ្តោយផ្លូវ២១៥ទិសដៅពីត្បូងទៅជើង ខណៈមកដល់ចំណុចកើតហេតុខាងលើបានរថយន្តបានរេចង្កូចមកខាងស្តាំជ្រុលទៅបុករឺម៉កម៉ូតូកង់បីមួយគ្រឿងពណ៌ក្រហមដែលម្ចាស់អង្គុយនៅខាងក្នុងចតស្រៀមតាមចិញ្ចើមផ្លូវស្របទិសដៅគ្នាពីក្រោយពេញ ទំហឹងរួចរុញទៅមុខជ្រុលទៅបុករះម៉ូតូ៣គ្រឿងទៀត១គ្រឿងម៉ាកPCXពណ៌ស ២សង់សេ១២៥ស៊េរី០៨ពណ៌ខ្មៅ ៣សង់ស៊េរីចាស់សេ១១០ពណ៌ទឹកបុិច ចតក្បែរម៉ូតូកង់បីរុញអូសទៅមុខជាច្រើនម៉ែត្រផ្លោងម្ចាស់ម៉ូតូកង់បីបោកទៅនិងថ្នល់រងរបួសបាក់ដៃស្តាំម្ខាងនិងជើងខាងឆ្វេងរបួសធ្ងន់។ ភ្លាមៗត្រូវបានរថយន្តសង្គ្រោះក្លីនីកហុង ហាក់ដឹកយកទៅសង្គ្រោះ ចំណែកអ្នកបើកបរ រថយន្តបង្កត្រូវបានប្រជាពលរដ្ឋដែលឃើញហេតុការបានចាប់ឃាត់ខ្លូនប្រគល់ឲ្យសមត្ថកិច្ចផងដែរ ។
ក្រោយពេលកើតហេតុសមត្ថកិច្ចមូលដ្ឋានសហការជាមួយជំនាញចុះមកវាស់វែង យករថយន្តបង្ករួមទាំងម៉ូតូរងគ្រោះនិងអ្នកបើករថយន្តបង្កទៅការិយាល័យចរាចរណ៍ នៃស្នងការនគរបាល រាជធានីភ្នំពេញ រងចាំដោះស្រាយគ្នាទៅតាមផ្លូវច្បាប់នៅពេលក្រោយ ៕
