យុវជន២នាក់ជិះម៉ូតូឌុបគ្នាលឿនដូចហោះមិនប្រយត្ន័ជ្រុលទៅបុកបុរសម្នាក់កំពុងបើកម៉ូតូរឺម៉កកង់បីស្លាប់គួរឲ្យរន្ឋត់
ភ្នំពេញ៖ យុវជនពីរនាក់ជិះម៉ូតូឌុបគ្នាបើកលឿន ខណះដល់ផ្លូវកោងកាច់ចង្កូតមិនទាន់ ជ្រុលទៅបុកម៉ូតូរឺម៉កកង់បីចំពីមុខពេញទំហឹង បណ្តាលម្ចាស់រុឺម៉កម៉ូតូស្លាប់ភ្លាមៗនៅនិងកន្លែង ចំណែកភាគីខាងម៉ូតូរងរបួសធ្ងន់ម្នាក់ ស្រាលម្នាក់។
គ្រោះថ្នាក់ចរាចរណ៍ដ៏រន្ឋត់នេះបានកើតឡើងកាលពីវេលាម៉ោង១២រំលងអាធ្រាត្រឈានចូលថ្ងៃទី១១ខែធ្នូឆ្នាំ២០១៨ នៅចំណុចមុខហាងចិន(យីហោ សានតាវិន)តាមបណ្តោយផ្លូវ៥៩៨ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
ជនរងគ្រោះ(ស្លាប់)ជាម្ចាស់ម៉ូតូកង់បីមានឈ្មោះ ឡុង សារឿន ភេទប្រុស អាយុ៣៨ឆ្នាំ មុខរបររត់ម៉ូតូកង់បី មានស្រុកកំណើត ភូមិប្រឡាយមាស ឃុំរមេញ ស្រុកកោះអណ្តែត ខេត្តតាកកែវ។ ដោយខាងម្ចាស់ម៉ូតូនិងអ្នករួមដំណើរមិនស្គាល់អត្តសញ្ណាណនោះទេបានរងរបួសធ្ងន់ម្នាក់និងស្រាលម្នាក់។
បើតាមសម្ដីយុវជនម្នាក់ដែលរបួសស្រាលភាគីខាងម៉ូតូបង្កបានឲ្យដឹងថា មុនកើតហេតុរូបគេទាំងពីរនាក់បាននាំគ្នាផឹកសុីនៅម្តុំផ្សារដីហុយ លុះផឹកសុីរួចបាននាំគ្នាជិះម៉ូតូត្រឡប់ទៅកន្លែងស្នាក់នៅវិញដោយជិះម៉ូតូម៉ូតូមួយគ្រឿងម៉ាក ហុងដាឌ្រីមសង់ស៊េរី០១៦ ពណ៌ខ្មៅ ពាក់ស្លាកលេខភ្នំពេញ1FQ-9493 ធ្វើដំណើរតាមបណ្ដោយផ្លូវ៥៩៨ទិសដៅពីត្បូងទៅជើងក្នុងល្បឿនលឿន លុះមកដល់ចំណុចផ្លូវកោងកន្លែងកើតហេតុ កាច់ចង្កូតមិនទាន់ក៏រេចង្កូត ទៅបុកម៉ូតូរឺម៉កកង់បីមួយគ្រឿង ពណ៌ក្រហម ពាក់ស្លាកលេខភ្នំពេញ1H-6003 បើកបរដោយបុរសម្នាក់ធ្វើដំណើរបញ្ច្រាស់ទិសដៅគ្នា បណ្ដាលឲ្យម្ចាស់រឺម៉កស្លាប់ និងយុវជនខាងម៉ូតូរបួសធ្ងន់ម្នាក់ត្រូវថយន្តសាមុយដឹកទៅមន្ទីរពេទ្យ និងម្នាក់ទៀតរត់គេចខ្លួន ។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ជំនាញមកធ្វើការវាស់វែងយករុឺម៉កនិងម៉ូតូបង្កទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ រងចាំដោះស្រាយគ្នាទៅតាមផ្លូវច្បាប់។ ដោយឡែកសពជនរងគ្រោះសមត្ថកិច្ចជំនាញធ្វើកោសល្យវិច្ឆ័យរួចដឹកយកទៅតម្កល់ទុកនៅវត្តទឹកថ្លារងចាំសាច់ញាត្តិមកទទួលយកទៅធ្វើបុណ្យនៅស្រុកកំណើតតាមប្រពៃណី៕
