ប្រទះឃើញសពបុរសម្នាក់ដេកស្លាប់ក្នុងចំការសង្ស័យ ពស់ចឹក

បាត់ដំបង៖ប្រជាពលរដ្ឋប្រទះឃើញសពបុរសម្នាក់ដេក ក្នុងដីចំការបង្កឲ្យមានការភ្ញាក់ផ្អើលកាលពីវេលាម៉ោង ២រសៀលថ្ងៃទី១១ខែឆ្នូឆ្នាំ២០១៨ នៅចំណុចអូរព្រហ៊ូត ភូមិអូរត្រាវជូរ ឃុំសិរីមានជ័យ ស្រុកសំពៅលូនខេត្តបាត់ដំបង ។

សពជនរងគ្រោះមានឈ្មោះ អិត នឿយ ភេទប្រុសអយុ៣១ឆ្នាំ ស្នាក់នៅបណ្ដោះអាសន្នកន្លែងកើតហេតុ និងមានទីលំនៅភូមិស្វាយព្រៃ ឃុំល្វា ស្រុកបវេល ខេត្តបាត់ដំបង ។

បើតាមសម្ដីប្រពន្ធជនរងគ្រោះបានឲ្យដឹងថា នៅព្រឹកថ្ងៃកើតហេតុប្ដីរបស់គាត់បានបណ្ដើរឆ្កែចេញពីផ្ទះបំណងទៅរកសត្វ ខណះដល់ម៉ោងជាង ១១ថ្ងៃត្រង់មិនឃើញប្ដីត្រឡប់មកផ្ទះគាត់ក៏បានទៅដើរ រកតែរក មិនឃើញ លុះដល់វេលាម៉ោង២រសៀលថ្ងៃដដែលទើបអ្នកភូមិប្រាប់ថាប្រទះឃើញបុរសជាប្ដីដេកស្លាប់នៅក្នុងចំការក្បែកន្លែងស្នាក់នៅបង្កការភ្ញាក់ ផ្អើល និងបានរាយការណ៍ប្រាប់ទៅសមត្ថកិច្ច ចុះមកពិនិត្យ នៅកន្លែងកើតហេតុ ។

ក្រោយសមត្ថកិច្ចជំនាញពិនិត្យនិង ធ្វើកោសល្យរួចបានសន្និដ្ឋានថា ជនរងគ្រោះអាចស្លាប់ដោយសារ ពស់ចឹង ព្រោះមានស្នាមមុតស្រួចចំបំពង់ក ២កន្លែងនិង ស្នាមរោលខ្មៅ ព្រមទាំង មានហូរឈាម ចំពោះស្លាក ស្នាមអ្វីផ្សេងទៀតមិនមានឡើយ ។ បន្ទាប់មក សមត្ថកិច្ចបានធ្វើ កំណត់ហេតុប្រគល់សពឲ្យទៅ ក្រុមគ្រួសារយកទៅធ្វើបុណ្យតាមប្រពៃណី ៕