នគរបាលខណ្ឌមានជ័យនិងនគរបាលប៉ុស្ដិ៍ចាក់អង្រែលើឃាត់ខ្លួនស្ត្រីម្នាក់ដកហូតថ្នាំញៀន៤៦កញ្ចប់តូចធំ
ភ្នំពេញ៖ ស្ត្រីសង្ស័យម្នាក់ត្រូវបានកម្លាំងនគរបាល អធិការនគរបាលខណ្ឌមានជ័យ និង កម្លាំងនគរបាលប៉ុស្ដិ៍ចាក់អង្រែលើធ្វើការឃាត់ខ្លួន ខណះជនសង្ស័យកំពុងឈរចែកចាយថ្នាំញៀននៅចំណុចសំណង់មិនរាបរយ តាមបណ្ដោយផ្លូវ៦០ម៉ែត្រ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ កាលពីវេលាម៉ោង១១និង៣០នាទីយប់ ថ្ងៃទី១៧ ខែធ្នូ ឆ្នាំ២០១៨ ។
លោក អ៊ុំ រតនា នាយប៉ុស្ដិ៍នគរបាលចាក់អង្រែលើ បានឲ្យដឹងថា ស្ត្រី សង្ស័យមានឈ្មោះ សុី ណា ភេទស្រី អាយុ២៦ឆ្នាំ ស្នាក់នៅនិងមុខរបរមិនប្រាកដ។ លោកបានបន្តថា មុនពេលឃាត់ខ្លនជនសង្ស័យខាងលើ កម្លាំងសមត្ថកិច្ចល្បាតដើម្បីការពារសុវត្តិភាពជួនប្រជាពលរដ្ឋក្នុងមូលដ្ឋាន លុះមកដល់ចំណុចកើតហេតុប្រទះឃើញជនសង្ស័យកំពុងឈរម្នាក់ឯង ដោយមានការសង្ស័យក៏ធ្វើការសួរនាំនិងឆែកឆេរកឃើញក្រាមសថ្លាសង្ស័យជាថ្នាំញៀនចំនួន៤៥កញ្ចប់តូចនិង១កញ្ចប់ធំទើបធ្វើឃាត់ខ្លួនតែម្ដង។
ក្រោយមកជនសង្ស័យនិងវត្ថុតាងត្រូវបាននាំមកធ្វើការសាកសួរនៅប៉ុស្ដិ៍នគរបាលចាក់អង្រែលើ និងកសាងសំណុំរឿងដើម្បីបញ្ជូនទៅអធិការដ្ឋាននគរបាលខណ្ឌមានជ័យចាត់ការបន្តតាមផ្លូវច្បាប់៕
