មេឆ្នោត(k38)សង្ស័យតែមានអំណាចធំជាងលោកស្នងការនិងលោកអភិបាលរាជធានីភ្នំពេញហើយមើលទៅទើបបើកកត់ឆ្នោតយ៉ាងរលួន អាជ្ញាធរមិនហ៊ានបង្ក្រប
ភ្នំពេញ៖ ទីតាំងកត់ឆ្នោតវៀតណាមខុសច្បាប់ យីហោ (k៣៨) កំពុងបើកដំណើរយ៉ាងរលួន រីកដូចផ្សិតនៅក្នុងទឹកដីខណ្ឌឫស្សីកែវ ដាក់ស្លាកយីហោបង្អួតភ្នែកអាជ្ញាធរមានសមត្ថកិច្ច ដោយមិនខ្លាចញញើតសូម្បីតែបន្តិច ប្រហែលជាមេឆ្នោត(k38)នេះមានខ្នងបង្អែកធំហើយមើលទៅទើបបើកកត់យ៉ាងរំភើយដូច្នេះ។
បើតាមប្រភពពីប្រជាពលរដ្ឋបានបង្ហើបប្រាប់អោយដឹងថា ទីតាំងកត់ឆ្នោតយីហោ(k38)នេះទើបតែឈានចូលមកក្នុងទឹកដីខណ្ឌឫស្សីកែវ នៅពេលថ្មីៗនេះទេហើយមកកត់លើកស្លាកយីហោធំៗទៀត មិនដែលខ្លាចអាជ្ញាធរមានសមត្ថកិច្ចឡើយព្រោះគេមានខ្សែនិងខ្នងបង្អែកជាអ្នកធំនៅពីក្រោយ។ ប្រភពដដែលបានបន្តថា បើមេឆ្នោតគ្មានខ្សែម្លេះ អាជ្ញាធរមានសមត្ថកិច្ច ចាប់បាត់ទៅហើយ នេះប្រហែលគេមានខ្នងធំមែនហើយមើលទៅនោះ ។
ប្រជាពរដ្ឋបានលើកឡើងថា ចាំមើល ឯកឧត្ដម ឃួង ស្រេង អភិបាល នៃ គណៈអភិបាលរាជធានីភ្នំពេញនិងឯកឧត្ដម ស ថេត ស្នងការនគរបាលរាជធានីភ្នំពេញ ដែលទើបឡើងថ្មី តើលោក ហ៊ានបង្ក្រាបដែរឬទេ?បើមេឆ្នោត(យីហោk38) មានខ្នងបង្អែកធំដូចប្រជាពលរដ្ឋលើកឡើងមែននោះ ។ បើកន្លងទៅថ្មីៗគ្រាដែលឯកឧត្ដម ស ថេត ស្នងការរាជធីភ្នំពេញទើបតែឡើងកាន់តំណែង ធ្លាប់ បានដាក់បទបញ្ជាឲ្យកូនចៅ បង្ក្រាបទូរហ្គេមបាញ់ត្រីអោយអស់ ។ តែល្បែងសុីសងខុសច្បាប់ដទៃផ្សេងៗជា ច្រើនទៀតលោកមិនអើពើ ជាពិសេសល្បែងសុីសង ឆ្នោះវៀតណាមនេះតែម្ដង ៕
