សមត្ថកិច្ចខណ្ឌដូនពេញឃាត់ខ្លួនស្រីស្អាតម្នាក់ដកហូតថ្នាំញៀន៧កញ្ចប់
ភ្នំពេញ៖ កម្លាំងនគរបាលខណ្ឌដូនពេញ ឃាត់ខ្លួននារីវ័យក្មេងស្រស់ស្អាតម្នាក់រួមនិងគ្រឿងញៀនចំនួន៧កញ្ចប់តូចធំ
ការឃាត់ខ្លួននេះបានធ្វើឡើងកាលពីវេលាម៉ោង០៩និង៣០នាទីព្រឹកថ្ងៃទី២៤ខែធ្នូ ឆ្នាំ២០១៨ នៅចំណុចសំណង់មិនរាបរយ ផ្លូវរថភ្លើង ភូមិ២ សង្កាត់ស្រះចក ខណ្ឌដូនពេញ ។
ជនសង្ស័យដែលសមត្ថកិច្ចឃាត់ខ្លួនមានឈ្មោះ ហេង ស្រីង៉ា ហៅ ស្រីកា ភេទស្រី អាយុ១៩ឆ្នាំ ជនជាតិខ្មែរ ស្នាក់នៅផ្ទះគ្មានលេខ សង្កាតបឹងសាឡាង ខណ្ឌទួលគោក មុខរបរមិនពិតប្រាកដ ។
សមត្ថកិច្ចបានអោយដឹងថាវត្ថុតាងដែលដកហូតបានរួមមាន៖១/-ក្រាមពណ័សរថ្សង្ស័យលា(គ្រឿងញៀន)ចំនួន០៧ កញ្ចប់ក្នុងនោះមានកញ្ចប់ធំ០១ – ២/ជញ្ជីងថ្លឹងគ្រឿងញៀនចំនួន០១ -៣/ឧបករណ៍ប្រើប្រាស់សំរាប់សេពគ្រឿងញៀនមួយចំនួន – ៤/ថង់សំរាប់ច្រកគ្រឿងញៀនធ្វើសកម្មភាព មួយចំនួន – ៥/ប្រាក់រៀលចំនួនដប់បីមុឺន(១៣០.០០០)។
បច្ចុប្បន្ននារីដែលជាជនសង្ស័យនិងវត្ថុតាងត្រូវបានសមត្ថកិច្ចកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធីច្បាប់ ៕
