បុរសម្នាក់បានស្លាប់និងកូនស្រីរបួសធ្ងន់ខណៈរថយន្ត ក្រឡាប់សង្កត់លើ
ព្រៃវែង៖ រថយន្តHYUNDAIក្រឡាប់សង្កត់លើម៉ូតូ ២គ្រឿង បណ្តាលឲ្យបុរសម្នាក់ស្លាប់បាត់បង់ជីវិត គួរអោយអាណោចអធម៌ នឹងកូនស្រីរងរបួសធ្ងន់បាក់ ជើងម្ខាង ៖ គ្រោះថ្នាក់ចរាចរណ៍ដ៏រន្ធត់នេះបានកើត ឡើងកាលពីវេលាម៉ោង៧ព្រឹកថ្ងៃទី២៧ខែធ្នូឆ្នាំ២០១៨ នៅតាមបណ្ដោយផ្លូវលេខ៣១២ ភូមិពានី ឃុំល្វា ស្រុកព្រះស្ដេច ខេត្តព្រៃវែង ។
ជនរងគ្រោះដែលស្លាប់មានឈ្មោះ អាន ថា ភេទប្រុស អាយុ៤៣ឆ្នាំ រស់នៅភូមិពានីឃុំល្វា ស្រុកព្រះស្តេច ខេត្តព្រៃវែង និង កូនស្រីរបួសធ្ងន់បាក់ជើងឆ្វេងមានឈ្មោះ ស៊ីម វុទ្ធា អាយុ១៨ ឆ្នាំ ។
បើតាមប្រភពពីសាក្សីដែលឃើញហេតុការបានឲ្យដឹង ថា មុនពេលកើតហេតុ គេឃើញរថយន្តបង្ក ម៉ាកHYUNDAI ពណ៌ស ពាក់ស្លាកលេខ ភ្នំពេញ3E- 3785 បើកបរតាមបណ្ដោយផ្លូវ៣១២ ទិសដៅពីជើងទៅត្បូងក្នុងល្បឿនយ៉ាងលឿនដោយដឹកស៊ីប្រូពេញរថយន្ត ខណៈមកដល់ចំណុចកើតហេតុ បានវ៉ាជែង រថយន្តមួយគ្រឿងផ្សេងទៀតបណ្ដាលអោយជ្រុលចង្កូតធ្លាក់ផ្លូវហើយបានបួងចង្កូតឡើងមកវិញធ្វើឲ្យក្រឡាប់ផ្ងារជើងសង្កត់ម៉ូតូចំនួន២គ្រឿងធ្វើអោយបុរសម្នាក់ស្លាប់ភ្លាមៗនៅនិងកន្លែង ចំណែកកូនស្រី របួសធ្ងន់ ។ បន្ទាប់ពីកើតហេតុភ្លាមៗអ្នកបើកបរបានរត់ គេចខ្លួនបាត់ស្រមោល ។
ក្រោយពេលកើតហេតុសមត្ថកិច្ច មូលដ្ឋានបានចុះទៅ ដល់កន្លែងកើតហេតុធ្វើការវាស់វែងនិងយករថយន្តនិងម៉ូតូរងគ្រោះទៅរក្សាទុកនៅប៉ុស្តិ៍ល្វា រង់ចាំដោះ ស្រាយនៅពេលក្រោយ ។ ដោយឡែកសពជនរង គ្រោះត្រូវបានសមត្ថកិច្ចធ្វើកំណត់ហេតុប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
