នគរបាលឃាត់ខ្លួនជនសង្ស័យម្នាក់រួមនិងគ្រឿងញៀន២០កញ្ចប់
ភ្នំពេញ៖ កម្លាំងសមត្ថកិច្ច ខណ្ឌដូនពេញធ្វើការស្រាវជ្រាវបង្ក្ត្រាបករណីជួញដូរដោយខុសច្បាប់នូវសារធាតុញៀនឃាត់ខ្លួនជនសង្ស័យម្នាក់ដកហូតថ្នាំញៀន២០កញ្ចប់ ការឃាត់ខ្លួនបានកើតឡើងកាលពីវេលាម៉ោង៣និង៣០នាទីសៀលថ្ងៃទី២៩ខែធ្នូ ឆ្នាំ២០១៨ នៅចំណុចផ្លូវរថភ្លើងក្តាន់ពីរ ក្រុម៣៩ ភូមិ៣ សង្កាត់ស្រះចក ខណ្ឌដូនពេញ ។
សម្ថកិច្ចបានឲ្យដឹងថា ជនសង្ស័យដែលឃាត់ខ្លួនមានឈ្មោះ សុខ ដារ៉ា ហៅរ៉ា ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅទីតាំងកើតហេតុ ។
សមត្ថកិច្ចបន្តថាវត្ថុតាងរួមមាន៖ក្រាមពណ៌សថ្លាសង្ស័យជាគ្រឿងញៀនចំនួន២០កញ្ចប់ក្នុងនោះមាន០២កញ្ចប់ធំ ថង់សំរាប់ច្រកគ្រឿងញៀនមួយចំនួន ឧបករណ៍ប្រើប្រាស់គ្រឿងញៀនមួយចំនួននិងពូថៅដែកចំនួន០១។
ក្រោយឃាត់ខ្លួនជំនាញខណ្ឌនិង ប៉ុសិ៍្តសួរចម្លេីយកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី៕
