ពិតជាសាហាវមែន! ជិះម៉ូតូមកកាប់សម្លាប់បុរសម្នាក់ដល់ក្នុងកន្លែងធ្វើការ…
ភ្នំពេញ៖ សាហាវណាស់ ! បុរសម្នាក់ត្រូវជនសង្ស័យមួយក្រុមជិះម៉ូតូមកធ្វើសកម្មភាពកាប់ជាច្រើនដាវសម្លាប់ក្នុងថ្លុកឈាម គួរឲ្យរន្ធត់ ៖ ហេតុការណ៍ភ្ញាក់ផ្អើលគួរឲ្យតក់ស្លុតនេះបានកើតឡើងកាលពីវេលាម៉ោង០៨និង២៥នាទីយប់ថ្ងៃទី០៥ខែមករាឆ្នាំ២០១៩ នៅចំណុចការរដ្ឋានសំណង់មួយកន្លែង តាមបណ្ដោយផ្លូវបេតុង ក្នុងសង្កាត់ទួលសង្កែរ១ ខណ្ឌឬស្សីកែវ រាជធានីភ្នំពេញ។
ប្រភពពីសាក្សីដែលឃើញហេតុការណ៍បានអោយដឹងថា មុនពេលកើតហេតុជនរងគ្រោះកំពុងតែឈរនិយាយគ្នាលេងជាមួយមិត្តភ័ក្រនៅក្នុងការដ្ឋាន បន្ទាប់ពីសំរាកពីការងារ។ សាក្សីបានបន្តថា ខណៈដែលជនរងគ្រោះឈរនិយាយគ្នាលែងនិងដើរចុះឡើងនោះ ស្រាប់តែមានជនសង្ស័យមួយក្រុមមានគ្នា៤នាក់ជិះម៉ូតូពីរគ្រឿងម៉ាក ហុងដាឌ្រីម មិនចាំស្លាកលេខបានជិះចូលក្នុងការដ្ឋានរួចចុះកាប់ជនរងគ្រោះជាច្រើនដាវ បណ្ដាលអោយដួលដេកស្លាប់ភ្លាមៗនៅក្នុងថ្លុកឈាម យ៉ាងអាណោចអធម៌ ។ ប្រភពដដែលបន្តទៀតថា បន្ទាប់ពីធ្វើសកម្មភាពរួចក្រុមជនសង្ស័យក៏នាំគ្នាឡើងជិះម៉ូតូ គេចខ្លួនបាត់ស្រមោល ។
បើតាមកម្មករសំណង់ដែលធ្វើការជាមួយគ្នាបានលើកឡើងថា ជនរងគ្រោះជាមនុស្សស្លូតបូតណាស់និងអ្នកណាៗក៏តែងតែអាណិតស្រលាញ់គ្រប់ៗគ្នាហើយក៏មិនដែលមានរឿងឈ្លោះប្រកែកជាមួយអ្នកណាដែរ។
ជនរងគ្រោះដែលត្រូវជនសង្ស័យកាប់សម្លាប់មានឈ្មោះ រ៉ាន វៃ ភេទប្រុស អាយុ៣០ឆ្នាំស្នាក់នៅកន្លែងកើតហេតុ និងមាន ស្រុកកំណើតនៅភូមិ សេរីឱ ឃុំត្រស់ស្រុករមាសហែក ខេត្តស្វាយរៀង ។
ក្រោយពេលកើតហេតុភ្លាមៗកម្លាំងសមត្ថកិច្ច មូលដ្ឋានបានចុះមកដល់ទីតាំងកើតហេតុ ដើម្បីធ្វើកោសល្យវិច្ឆ័យស្រាវជ្រាវតាមចាប់ក្រុមជនសង្ស័យយកមកផ្ដន្ទាទោសទៅតាមផ្លូវច្បាប់ និងបានធ្វើកំណត់ហេតុប្រគល់សពជនរងគ្រោះអោយទៅក្រុមគ្រួសារដឹកយកទៅធ្វើបុណ្យតាមប្រពៃណីនៅស្រុកកំណើត៕
