សមត្ថកិច្ចឃាត់ខ្លួនជនសង្ស័យ២នាក់ដកហូតថ្នាំញៀនបានជាង១០០កញ្ចប់
ភ្នំពេញ៖ កម្លាំងនគរបាល ខណ្ឌដូនពេញ ធ្វើការស្រាវជ្រាវបង្ក្ត្រាបករណីជួញដូរគ្រឿងញៀន ឃាត់ខ្លួនជនសង្ស័យ២នាក់រួមនិងថ្នាំញៀន១២៦កញ្ចប់
ហេតុការណ៍នេះបានធ្វើឡើងកាលពីវេលាម៉ោង១២និង៣០នាទីថ្ងៃត្រង់ថ្ងៃទី១៥ ខែមករាឆ្នាំ២០១៩ នៅចំណុចសំណងមិនរៀបរយ ផ្លូវរថភ្លើងR៦ក្រុម២២ ភូមិ២ សង្កាត់ស្រះចកខណ្ឌដូនពេញ ។
សមត្ថកិច្ចឲ្យដឹងថាជនសង្ស័យដែលឃាត់ខ្លួនទី១៖មានឈ្មោះ ទន់ ប៊ុនរឹទ្ធ ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅទីតាំងខាងលើ (ជួញដូរគ្រឿងញៀន)។
ទី២ឈ្មោះ សុីន សុខវាសនា ភេទប្រុស អាយុ២១ឆ្នាំ ជនជាតិខ្មែរ ស្នាក់នៅទីតាំងខាងលើ (ប្រើប្រាស់)។
វត្ថុតាងរួមមាន៖ក្រាមពណ៌សថ្លាសង្ស័យជាគ្រឿងញៀនចំនួន១២៦កញ្ចប់ក្នុងនោះមាន០១កញ្ចប់ធំ-ថង់សំរាប់ច្រកគ្រឿងញៀនមួយចំនួននិងឧបករណ៍ប្រើប្រាស់មួយចំនួន។
បច្ចុប្បន្នជនសង្ស័យនិងវត្ថុតាងត្រូវបានសមត្ថកិច្ចកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញចាត់បន្តតាមនីតិវិធី៕
