សមត្ថកិច្ចប៉ុស្តិ៍ចាក់អង្រែលើឃាត់ខ្លួនជនសង្ស័យម្នាក់និងថ្នាំញៀន៦កញ្ចប់
ភ្នំពេញ៖ កម្លាំងនគរបាលប៉ុស្តិ៍ចាក់អង្រែលើ ឃាត់ខ្លួនជនសង្ស័យម្នាក់ដកហូតថ្នាំញៀន៦កញ្ចប់តូចធំ
ហេតុការណ៍នេះបានធ្វើឡើងកាលពីវេលាម៉ោង០៥និង៤០នាទីល្ងាចថ្ងៃទី១៦ខែមករាឆ្នាំ២០១៩ នៅចំណុចសំណង់មិនរៀបរយផ្លូវ៦០ម៉ែត្រ ភូមិ ព្រែកតាគង់ សង្កាត់ ចាក់អង្រែលើ ខណ្ឌ មានជ័យ រាជធានីភ្នំពេញ
លោក អុំ រតនា នាយប៉ុស្តិនគរបាលចាក់អង្រែលើ បានឲ្យ ដឹងថា មុនឃាត់ខ្លួនកម្លាំងនគរបាលប៉ុស្តិបានធ្វើការល្បាតខណៈមកដល់ចំណុចកើតហេតុប្រទះឃើញជនសង្ស័យបានហៅសួរនាំឆែកឆេរកឃើញថ្នាំញៀនចំនួន៦កញ្ចប់ក្នុងនោះធំ១កញ្ចប់ ហើយក៏បានយកមកធ្វើការសាកសួរនៅប៉ុស្តិ ។
លោកបានបន្តថា ជនសង្ស័យដែលឃាត់ខ្លួនមានឈ្មោះ ឡេ ផា ភេទ ប្រុស អាយុ ២៣ ឆ្នាំ ជនជាតិខ្មែរ មុខរបរ កម្មករ ទីលំនៅផ្ទះជួល ផ្លូវលំ សង្កាត់ ជើងឯក ខណ្ឌ ដង្កោ រាជធានីភ្នំពេញ ។
បច្ចុប្បន្នក្រោយធ្វើការសាកសួររួចជនសង្ស័យរួមនិងវត្ថុតាងត្រូវបានកសាងសំណុំរឿងបញ្ជួនទៅឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌមានជ័យ ដើម្បីចាត់ការបន្តតាមនីតិវិធី ៕
