ស្ត្រីសង្ស័យម្នាក់ត្រូវសមត្ថកិច្ចប៉ុស្តិ៍ចាក់អង្រែលើឃាត់ខ្លួនរួមនិងថ្នាំញៀន៤កញ្ចប់
ភ្នំពេញ៖ កម្លាំងនគរបាលប៉ុស្តិ៍ចាក់អង្រែលើ ឃាត់ខ្លួនជនសង្ស័យម្នាក់ដកហូតថ្នាំញៀន៤កញ្ចប់តូច
ហេតុការណ៍នេះបានធ្វើឡើងកាលពីវេលាម៉ោង០៥និង០០នាទីល្ងាចថ្ងៃទី១៦ខែមករាឆ្នាំ២០១៩ នៅចំណុចសំណង់មិនរៀបរយផ្លូវ៦០ម៉ែត្រ ភូមិ ព្រែកតាគង់ សង្កាត់ ចាក់អង្រែលើ ខណ្ឌ មានជ័យ រាជធានីភ្នំពេញ
លោក អុំ រតនា នាយប៉ុស្តិនគរបាលចាក់អង្រែលើ បានឲ្យ ដឹងថា មុនឃាត់ខ្លួនកម្លាំងនគរបាលប៉ុស្តិបានធ្វើការល្បាតក្នុងមូលដ្ឋាន ខណៈមកដល់ចំណុចកើតហេតុប្រទះឃើញជនសង្ស័យបានហៅសួរនាំឆែកឆេរកឃើញថ្នាំញៀនចំនួន៤កញ្ចប់ក្នុងហោប៉ៅអាវ ហើយក៏បានយកមកធ្វើការសាកសួរនៅប៉ុស្តិ ។
លោកបានបន្តថា ជនសង្ស័យដែលឃាត់ខ្លួនមានឈ្មោះ ស្រីនិច ហៅ តី ភេទ ស្រី អាយុ ២៣ ឆ្នាំ ជនជាតិខ្មែរ មុខរបរ បុគ្គលិកអាហារដ្ឋានកំពត ទីលំនៅក្នុងហាងអាហារដ្ឋានកំពត ផ្លូវជាតិលេខ២ សង្កាត់ ចាក់អង្រែក្រោម ខណ្ឌ មានជ័យ រាជធានីភ្នំពេញ ។
បច្ចុប្បន្នក្រោយធ្វើការសាកសួររួចជនសង្ស័យរួមនិងវត្ថុតាងត្រូវបានកសាងសំណុំរឿងបញ្ជួនទៅឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌមានជ័យ ដើម្បីចាត់ការបន្តតាមនីតិវិធី ៕
