នគរបាលខណ្ឌឫស្សីកែវឃាត់ខ្លួនជនសង្ស័យម្នាក់រួមនិងថ្នាំញៀន៥កញ្ចប់
ភ្នំពេញ៖ ជនសង្ស័យជួញដូរគ្រឿងញៀនម្នាក់ត្រូវបាននគរបាលខណ្ឌឬស្សកែវឃាត់ខ្លួនដកហូតគ្រឿងញៀន៥កញ្ចប់តូចកាលពីវេលាម៉ោង៨និង៣០នាទីយប់ថ្ងៃទី២២ ខែមករា ឆ្នាំ២០១៩ ចំណុចក្រុមទី១ ផ្លូវរថភ្លេីង សង្កាត់ទួលសង្កែទី១ ខណ្ឌឬស្សីកែវ។
សមត្ថកិច្ចឲ្យដឹងថា ជាលទ្ធផលកំលាំងជំនាញខណ្ឌនិងប៉ុស្តិ៍បានធ្វើការឃាត់ខ្លួនជនសង្ស័យម្នាក់ឈ្មោះ ប្រាជ្ញ ប្រាំង ភេទប្រុសអាយុ២៤ឆ្នាំជនជាតិខ្មែរ មុខរបរមិនពិតប្រាកដ មានទីលំនៅបន្ទប់ជួល ក្រុមទី៩ ភូមិចុងខ្សាច់ សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។
សម្ភារះដកហូតរួមមានក្រាមពណ៌សថ្លាសង្ស័យជាគ្រឿងញៀនចំនួន៥កញ្ចប់តូចនិងទូរស័ព្ទដៃចំនួន១គ្រឿង ពណ៌ខ្មៅ។
ក្រោយឃាត់ខ្លួនសមត្ថកិច្ចជំនាញបានកសាងសំណុំរឿងបញ្ជូនទៅសាលា ដំបូងរាជធានីភ្នំពេញដើម្បីអនុវត្តតាមនីតិវិធី៕
