រន្ធត់ណាស់លោកអើយ!គ្រោះថ្នាក់ចរាចរណ៍ស្លាប់១គ្រួសារនៅស្រុកកំពង់ត្របែក
ព្រៃវែង៖ យ៉ាងហោចណាស់ មនុស្ស១គ្រួសារមានគ្នា៦នាក់បានស្លាប់ក្នុងហេតុការគ្រោះថ្នាក់ចរាចរណ៍ រវាងរថយន្តបុកនិងរថយន្តក្នុងទិសដៅបញ្ច្រាសគ្នា។
គ្រោះថ្នាក់ចរាចរណ៍ដ៏រន្ធត់នេះបានកើតឡើងកាលពីវេលាម៉ោង១១យប់ថ្ងៃទី២៨ខែមករាឆ្នាំ២០១៩នៅលើផ្លូវជាតិលេខ១ ចន្លោះគីឡូម៉ែត្រលេខ៩១,៩២ចំណុចភូមិជ្រលង ឃុំប្រាសាទ ស្រុកកំពង់ត្របែក ខេត្តព្រៃវែង ។
លោក សួន សំអឿន អធិការស្រុកកំពង់ត្របែក បានប្រាប់ ឲ្យដឹងថា គ្រោះថ្នាក់ចរាចរណ៍នេះបង្ករឡើងដោយរថយន្តបែន១គ្រឿងពាក់ស្លាកលេខ ខេមរភូមិន្ទ4.9457 បើកបរមិនស្គាល់ឈ្មោះ(គេចខ្លួនបាត់)។
លោកបន្តថា រថយន្តបែនបើកបរក្នុងទិសដៅពីកើតទៅលិចលុះមកដល់ចំណុចកើតហេតុ បានរេចង្កូតទៅបុករថយន្តម៉ាក ហាយលែនឌ័រ ពណ៌ទឹកប្រាក់ ពាក់ស្លាកលេខភ្នំពេញ2AI.8096 ជិៈគ្នា៦នាក់ ក្នុងទិសដៅពីលិចទៅកើត យ៉ាងពេញទំហឹង បណ្ដាលឲ្យរថយន្តហាយលែនឌ័រនិងរថយន្តបែនប៉ើងក្រឡាប់ធ្លាក់មកខាងត្បូងផ្លូវជាច្រើត្រឡប់ ស្លាប់ភាគីរថយន្តហាយលែនឌ័រ ទាំងអស់សរុប៦នាក់។
ជនរងគ្រោះដែលស្លាប់រួមមាន៖ទី១ឈ្មោះ ប៉ែន សៅសុម៉េតធា ភេទប្រុសអាយុ២៨ឆ្នាំ ជាមន្ត្រីនគរបាលប៉ុស្តិ៍រដ្ឋបាលថ្កូវនៃអធិការដ្ឋានស្រុកកំពង់ត្របែក ជាអ្នកបើកបរស្លាប់។
២ឈ្មោះ ឃីម គា ភេទប្រុសអាយុ៥០ឆ្នាំជាឪពុកឈ្មោះ ប៉ែន សៅសុម៉េតធាស្លាប់។
៣ឈ្មោះ ឌី វណ្ណះ ភេទប្រុសអាយុ១ឆ្នាំកន្លះជាកូនស្លាប់។
៤ឈ្មើ សាក់ វណ្ណី ហៅក្តាម ភេទប្រុស អាយុ១៨ឆ្នាំជាកូនស្លាប់។
៥ ឈ្មោះ មោគ សុភាព ភេទ ស្រី អាយុ៤៩ឆ្នាំ ត្រូវជាប្រពន្ធឈ្មោះ ឃីម គា ស្លាប់។
៦ឈ្មោះ ឡាយ ស្រីណិច ភេទស្រីអាយុ២៤ឆ្នាំជាកូនស្លាប់។ អ្នកទាំងអស់គ្នាជាគ្រួសារតែមួយ រស់នៅភូមិចំបក់ ឃុំប្រាសាទ ស្រុកកំពង់ត្របែក ខេត្តព្រៃវែង។
ក្រោយកើតហេតុសមត្ថកិច្ចបានចុះវាស់វែង និងធ្វើកំណត់ហេតុប្រគល់សពឲ្យសាច់ញាតិនិងក្រុមគ្រួសារយកទៅធ្វេីបុណ្យតាមប្រពៃណី។ ដោយឡែកតៃកុងរថយន្តបង្កសមត្ថកិច្ចកំពុងស្រាវជ្រាវស្វែងរកចាប់ខ្លួន ។
រីឯរថយន្តទាំងពីរនគរបាលកំពុងចាត់ចែងយកមករក្សាទុកនៅអធិការដ្ឋានដើម្បីកសាងសំណុំរឿងតាមនីតិវិធី៕
