ដុតសំរាមមិនប្រយត្ន័រាលឆេះផ្ទះ៤ខ្នងបំផ្លាញទ្រព្យសម្បត្តិគិតជាប្រាក់ជាង១០មុឺនដុល្លារ
ខេត្តត្បូងឃ្មុំ៖ ផ្ទះប្រជាពលរដ្ឋអស់ចំនួន៤ខ្នងត្រូវបានអគ្គីភ័យឆាបឆេះបំផ្លាញគ្មានសល់ ដោយសារតែការធ្វេសប្រហេសដុតសំរាម មិនប្រយត្ន័ រាលឆេះផ្ទះ យ៉ាងសន្ធោរសន្ធៅ ឆ្លងពីផ្ទះមួយ ទៅផ្ទះមួយ រហូតអស់បួនខ្នង។
គ្រោះអគ្គីភ័យនេះបានកើតឡើងកាលវេលាម៉ោង០៩និង១០នាទីព្រឹក នាថ្ងៃទី០៧ ខែកុម្ភៈ ឆ្នាំ២០១៩ ស្ថិតនៅភូមិជាំទ្រាស ឃុំតាមូង ស្រុកមេមត់ ខេត្តត្បូងឃ្មុំ ។
សមត្ថកិច្ចបានអោយដឹងថាផ្ទះដែលបានឆាបឆេះទាំង៤មាន៖ទី១ម្ចាស់ផ្ទះឈ្មោះ កែវ សុភា ភេទស្រី អាយុ៥៦ឆ្នាំផ្ទះឈេីប្រក់ក្បឿងទំហំ៩x១២ម៉ែត្រ
ទី២ ម្ចាស់ផ្ទះឈ្មោះ យឹម តុងអាន ភេទប្រុស អាយុ៥៦ឆ្នាំ ផ្ទះឈេី ប្រក់ក្បឿងទំហំ ៥x២៣ម៉ែត្រ
ទី៣ ម្ចាស់ផ្ទះឈ្មោះ ហម ប៊ុនធឿន ភេទប្រុស អាយុ៥៨ឆ្នាំ ផ្ទះឈេី ប្រក់ក្បឿងទំហំ ៤.៤០x២២ម៉ែត្រ
ទី៤ ម្ចាស់ផ្ទះឈ្មោះ ហម ធីតា ភេទស្រី អាយុ៣៥ឆ្នាំ ផ្ទះឈេី ប្រក់ក្បឿងទំហំ ៤.៦០x២២ម៉ែត្រ ។
សមត្ថកិច្ចបានបន្តថា កម្លាំងអន្តរាគមន៍បង្កានិងពន្លត់អគ្គីភ័យ បានចេញរថយន្តអន្តរាគមន៍បាញ់ពន្លត់អោយរលត់ទៅវិញទាំងស្រុងនៅវេលាម៉ោងប្រមាណ១១និង០០នាទីព្រឹកថ្ងៃដដែលដោយប្រើប្រាស់រថយន្ដពន្លត់អគ្គីភ័យចំនួន០៥គ្រឿង ក្នុងនោះមានរថយន្ដអធិការដ្ឋាននគរបាលស្រុក មេមត់, ស្រុកពញ្ញាក្រែក, ស្រុកតំបែរ, ស្នងការដ្ឋាននគរបាលខេត្ត និងរថយន្ដក្រុមហ៊ុនចំការកៅស៊ូមេមត់ ប្រេីប្រាស់ទឹកអស់ ១៥សុីទែន ស្មេីនឹង ៦០ម៉ែត្រគូប។
ដោយឡែកការខូចខាតរួមមាន៖ ផ្ទះចំនួន០៤ខ្នងឆេះទាំងស្រុង, ម៉ូតូ០២គ្រឿង, គ្រឿងសង្ហារឹមមួយចំនួន, សម្ភាៈគ្រឿងអលង្កាមួយចំនួន,ម្រេចចំនួន០៧តោន,ស្រូវចំនួន០១តោន និងសំភារៈ រួមទាំងឯកសារ មួយចំនួនទៀតសរុបជាទឹកប្រាក់ប្រមាណជាជាង ១០មុឺនដុល្លា ៕
