សមត្ថកិច្ចឃាត់ខ្លួនជនសង្ស័យជាមុខសញ្ញាឆក់ម្នាក់និងបក្ខពួកផ្សេងទៀតរត់គេចខ្លួន
ភ្នំពេញ៖ ជនសង្ស័យម្នាក់ដែលជាមុខសញ្ញាវាយប្លន់និងឆក់កាបូបនិងទូរសព្ទ័ដៃយ៉ាងសកម្មត្រូវបានកម្លាំងនគរបាលប៉ុស្តិស្ទឹងមានជ័យ១ ឃាត់ខ្លួនបានកាលពីវេលាម៉ោង០៩និង៣០នាទីព្រឹកថ្ងៃទី១១ខែកុម្ភះ ឆ្នាំ២០១៩ នៅផ្លូវបេតុងខាងក្រោយវត្តស្ទឹងមានជ័យភូមិមានជ័យសង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ
សមត្ថកិច្ចបានអោយដឹងថា នៅមុនពេលឃាត់ខ្លួនគឺជនសង្ស័យរួមនិងបក្ខពួកមួយក្រុមបានធ្វើសកម្មភាពឆក់យកទូរសព្ទ័ដៃមួយគ្រឿងម៉ាកOPPOពីបុរសរត់កង់៣ម្នាក់បានសម្រេច បន្ទាប់មកត្រូវកម្លាំងនគរបាលប៉ុស្តិស្ទឹងមានជ័យទី១ធ្វើការស្រាវជ្រាវឃាត់ខ្លួនបានជនសង្ស័យម្នាក់មានឈ្មោះនៅ ចាន់ណា អាយុ១៩ឆ្នាំមុខរបរមិនពិតប្រាកដ។
បច្ចុប្បន្នជនសង្ស័យត្រូវបានបញ្ជូនទៅឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌមានជ័យដើម្បីកសាងសុំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី ៕
