បុរសម្នាក់ដើរឆ្លងផ្លូវត្រូវរថភ្លើងបុកស្លាប់គួរឲ្យរន្ធត់
ភ្នំពេញ៖ បុរសម្នាក់ ត្រូវរថភ្លើងបុកស្លាប់យ៉ាងអាណោចអធម៌នៅនិងកន្លែងតាមបណ្ដោយផ្លូវរថភ្លើង៖ ហេតុការណ៍ដ៏រន្ធត់នេះបានកើតទ្បើងនៅវេលាម៉ោង១១និង៤៥ នាទីព្រឹក ថ្ងៃទី១៥ ខែកុម្ភ: ឆ្នាំ២០១៩ នៅតាមបណ្តោយផ្លូវរថភ្លើង សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
យោងតាមប្រភពព័ត៌មានពីសាក្សីដែលឃើញហេតុកាណ៍បានអោយដឹងថាមុនពេលកើតហេតុគេឃើញបុរសរងគ្រោះបានដើរឆ្លងផ្លូវរថភ្លើងទៅមកៗ ហើយបានឈប់ចំកណ្ដាលផ្លូវស្របពេលនោះរថភ្លើងដឹកអ្នកដំណើរដែលចេញដំណើរពី រ៉ាភ្នំពេញឆ្ពោះទៅព្រលានយន្តហោះ ពោធិចិនតុង ទិសដៅពីកើតទៅលិចកំពុងតែលឿនផងនោះក៏បុកពេញទំហឹងបណ្ដាលអោយស្លាប់ភ្លាមៗតែម្ដង គួរឲ្យរន្ធត់ ។ ចំណែករថភ្លើងមិនបានឈប់នោះដោយនៅតែបន្តដំណើរទៅមុខបាត់។
សពបុរសរងគ្រោះមិនត្រូវគេស្គាល់អត្តសញ្ញាណនោះទេគ្រាន់តែលឺគេហៅថា ឪអាប៊ឿក មានអាយុប្រហែលជាង៤០ឆ្នាំ មុខរនិងស្នាក់នៅមិនពិតប្រាកដ មានស្រុកកំណើតនៅឯខេត្តកំពត ។
ក្រោយកើតហេតុសមត្ថកិច្ចមូលបានចុះទៅធ្ធើកំណត់ហេតុនិងបានយកសពទៅតម្កល់ទុកនៅវត្តទឹកថ្លា រង់ចាំសាច់ញាតិមកទទួលយកទៅធ្វើបុណ្យតាមប្រពៃណី៕
