រន្ធត់ណាស់! ឈប់រថយន្តចាំប្រពន្ធចុះទិញនំចំណីរហូបត្រូវរថយន្តធំក្រឡាប់សង្កត់លើស្លាប់
ព្រះសីហនុ៖ គួរឲ្យអនិច្ចានិងរន្ធត់ណាស់លោកអើយ បុរសម្នាក់ឈប់រថយន្តនៅចញ្ចើមផ្លូវចាំប្រពន្ធចូលទិញនំចំណីត្រូវរថយន្តធន់ធំក្រឡាប់សង្កត់គៀបជាប់ ក្នុងរថយន្តស្លាប់យ៉ាង អាណោចអធម៌គួរឲ្យរន្ធត់៖ គ្រោះថ្នាក់ចរាចរណ៍នេះបានបង្កការណ៍ភ្ញាក់ផ្អើលកាលពីវេលាម៉ោង០៩និង៤០នាទីព្រឹកថ្ងៃទី១៧ខែកុម្ភៈឆ្នាំ២០១៩ នៅតាមបណ្ដោយផ្លូវជាតិលេខ៤ចន្លោះគីឡូម៉ែត្រ១៤០-១៤១( ផ្លូវបំបែកស្រែអំបិល) ភូមិចំការហ្លួង ឃុំចំការហ្លួង ស្រុកកំពង់សិលា ខេត្តព្រះសីហនុ ។
បើតាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញ បុរសរងគ្រោះបានឈប់រថយន្តម៉ាកCRV ពាក់ស្លាកលេខភ្នំពេញ2M-2821 នៅចញ្ចើមផ្លូវដោយរងចាំប្រពន្ធនិងកូនចុះទិញនំចំណីហូប ខណៈដែលកំពុងឈប់ចាំនោះស្រាប់តែមានរថយន្តធន់ធំមួយគ្រឿងម៉ាក HYUNDAIពាក់ស្លាកលេខកំពង់ធំ3A-1369 បើកមកក្រឡាប់ សង្កត់ពីលើបណ្ដាលឲ្យគៀបបុរសរងគ្រោះឈ្មោះ ឈ្មោះ សុទ្ធ រិទ្ធដែលជាអ្នកបើករថយន្តCRV ជាប់នៅក្នុងរថយន្តស្លាប់គួរឲ្យរន្ធត់ ភ្លាមៗប្រពន្ធស្រែកទ្រហោយំគួរឲ្យសង្វេក។ ចំណែកអ្នកបើករថយន្តធំ រងរបួសធ្ងន់ត្រូវបានដឹកទៅសង្គ្រោះបន្ទាន់នៅមន្ទីរពេទ្យបង្អែកស្រុកស្រែអំបិល ។
ក្រោយកើតហេតុសមត្ថកិច្ចមូលដ្ឋានចុះទៅដល់និងអន្តរាគមន៍ជួយគាស់យកសពបុរសរងគ្រោះចេញដើម្បីយកក្រុមគ្រួសារយកទៅធ្វើបុណ្យតាមប្រពៃណី ។ ចំណែករថយន្តបង្កនិងរថយន្តរងគ្រោះត្រូវបានសមត្ថកិច្ចវាស់វែងស្ទួចយកទៅរក្សាទុកនៅអធិការនគរបាលស្រុកកំពង់សិលាចាំដោះស្រាយតាមច្បាប់នៅពេលក្រោយ ៕
