ក្រុមជនសង្ស័យជិះម៉ូតូដញស្ទាក់វាយក្រុមជនរងគ្រោះបំណងប្លន់ត្រូវសមត្ថកិច្ចចាប់បាន២នាក់

ភ្នំពេញ៖ យុវជនប្រុសស្រី៤នាក់ ជិះម៉ូតូ២គ្រឿងបំណងទៅលេងស្រុកកំណើតនៅខេត្តកំពត ខណៈមកដល់ត្រង់ចំណុចរង្វង់មូលចោមចៅ សង្កោត់ចោមចៅ៣ ខណ្ឌពោធិ៍សែនជ័យ ស្រាប់តែមានក្មេងស្ទាវមួយក្រុមមានគ្នាជាង១០​នាក់ បានជិះម៉ូតូមកវាយបណ្ដាលឲ្យរបួសស្រាលនិងបំរុងប្លន់យកម៉ូតូ តែត្រូវសមត្ថកិច្ចឃើញដេញឃាត់ខ្លួនបាន២នាក់ ហេតុការភ្ញាក់ផ្អើលនេះបានកើតឡើងកាលពីវេលាម៉ោង២ និង១៥នាទីរំលងអាធ្រាត ឈានចូលនៅថ្ងៃទី២០ ខែកុម្ភះ ឆ្នាំ២០១៩ ។

បើតាមសម្ដីជនរងគ្រោះបានប្រាប់ឲ្យដឹងថា មុនពេលកើត​ហេតុ ពួកគេមានគ្នា៤នាក់ជិះម៉ូតូ២គ្រឿង បានធ្វើដំណើរពីព្រែកតាមាក់ ស្ពុះទៅលេងស្រុកកំណើតនៅខេត្តកំពក លុះពេលកំពុងធ្វើដំណើរតាមបណ្ដោយផ្លូវសហព័ន្ធរុស្សុី​មកដល់ចំណុចរង្វង់មូលចោមចៅក៏លិចមុខក្រុមក្មេងស្ទាវ​មួយក្រុមជាង១០នាក់ ជិះម៉ូតូ៤គ្រឿង តាមមកពីក្រោយ ហើយបានធ្វើសកម្មភាពវាយយុវជន២នាក់បណ្ដាលឲ្យរង​របួសនិងបំរុងប្លន់យកម៉ូតូតែត្រូវជនរងគ្រោះបានដក​សោ​រ​ម៉ូតូចេញនិងរត់គេចខ្លួន ចំណែកឯនារី២នាក់ត្រូវជាបងស្រីជនរងគ្រោះឃើញដូចនេះហើយក៏បានទាក់ទងទៅខាង
សមត្ថកិច្ចប៉ុសិ៍ចោមចៅ៣ និងបានធ្វើការឡោមព័ន្ធស្ទាក់​ចាប់បាន២នាក់ រួមទាំងម៉ូតូ១គ្រោះម៉ាក ស៊ុយស៊ុគី ឡេត ។

ក្រោយពេលឃាត់ខ្លួនជនសង្ស័យរួចហើយ សមត្ថកិច្ចបាន​នាំខ្លួនជនសង្ស័យ និងជនរងគ្រោះមកកាន់ប៉ុស្ដិ៍នគរបាលចោមចៅ៣ ដើម្បីធ្វើការសាកសួរមូលហេតុនិងកសាងសុំណុំរឿងចាត់ការបន្តតាមនីតិវិធី ៕