បេនឡានក្រុងរបស់ក្រុមហ៊ុន បូព៌ា អាសុី ដឹកអ្នកដំណើរត្រូវអគ្គីភ័យឆាបឆេះ
ភ្នំពេញ ៖ អគ្គីភ័យឆាបឆេះបេនឡានក្រុង ដឹកអ្នកដំណើររបស់ក្រុមហ៊ុន បូព៌ា អាសុី បង្កការភ្ញាក់ផ្អេីលដល់ប្រជាពលរដ្ឋនិងកម្លាំងសមត្ថកិច្ចចេញជួយអន្តរាគមន៍ កាលពីវេលាម៉ោង១២និង១០នាទីរំលងអាធ្រាត ឈានចូលថ្ងៃទី២១ ខែកុម្ភៈ ឆ្នាំ២០១៩ ស្តិតនៅខាងក្រោយសាលាខណ្ឌសែនសុខ តាមផ្លូវបេតុង ភូមិរោងចក្រ សង្កាត់គោកឃ្លាង ខណ្ឌសែនសុខ រាជធានីភ្នំពេញ។
សមត្ថកិច្ចបានឲ្យដឹងថា ទីតាំងដែលអគ្គីភ័យឆាបឆេះនោះម្ចាស់មានឈ្មោះ ម៉ង សារឿន ភេទប្រុសអាយុ៤២ឆ្នាំមុខរបរមេការគ្រប់គ្រងឡានក្រុង ស្នាក់នៅកន្លែងកើតហេតុខាងលើ។ ចំណែកសម្ភារៈដែលរងការខូចខាតរួមមាន ៖ ម៉ូតូ០១គ្រឿងម៉ាកហុងដាវ៉េវ ពណ៌ខ្មៅ ពាក់ស្លាកលេច 1FG -4671ខូចខាតទាំងស្រុង ម៉ាសុីនឡាន គ្រឿងឡាន និងរោងជាងសំរាប់តៃកុងឡានស្នាក់នៅ ។
សមត្ថកិច្ចបានបន្តថា មូលហេតុ ដែលបណ្តាលឲ្យមានអគ្គីភ័យឆាបឆេះនេះ នៅមិនទាន់បានដឹងមូលហេតុច្បាស់លាស់នៅឡើយ ។ ក្នុងនោះដែរ កម្លាំងជំនាញបង្កានិងពន្លត់អគ្គីភ័យបានប្រើប្រាស់រថយន្តអន្តរាគមន៍ជួយបាញ់ពន្លត់ដោយប្រើប្រាស់រថយន្ត អគ្គិភ័យរបស់ស្នងការនគរបាលរាជធានីភ្នំពេញ អស់០៤គ្រឿង ដោយប្រេីពេលវេលាជិត១ម៉ោងទេីបបាញ់រលត់ទៅវិញជាស្ថាពរ ៕
