សមត្ថកិច្ចខណ្ឌដង្កោឃាត់ខ្លួនជនសង្ស័យ២នាក់រួមនិងថ្នាំញៀន១១កញ្ចប់
ភ្នំពេញ៖ ជនសង្ស័យជួញដូរនិងប្រើប្រាស់គ្រឿងញៀន២នាក់ត្រូវបានកម្លាំងអន្តរាគមន៍នៃអធិការដ្ឋាននគរបាលខណ្ឌដង្កោធ្វើការឃាត់ខ្លួននឹងបានដកហូតថ្នាំញៀន១១កញ្ចប់ ៖ ប្រតិបត្តិការនេះបានធ្វើឡើងនៅវេលាម៉ោង៣នឹង៤០នាទីរសៀលថ្ងៃទី ២៧ ខែ កុម្ភៈ ឆ្នាំ ២០១៩ នៅចំណុចភូមិខ្វារ សង្កាត់ដង្កោ ខណ្ឌដង្កោ ។
សមត្ថកិច្ចបានអោយដឹងថា ជនសង្ស័យទាំង២នាក់ដែលឃាត់ខ្លួនរួមមានទី១ ៖ ឈ្មោះ ហេង វិបុត្រ ២៣ ភូមិអំពិលព្រៃស្រុកកណ្ដាលស្ទឹង ខេត្តកណ្តាល ទី២ឈ្មោះ រ៉ែម សុខសាន្ដ អាយុ១៧ ឆ្នាំ ស្នាក់នៅសង្កាត់ទួលសង្កែខណ្ឌឬស្សីកែវ ។
សមត្ថកិច្ចបន្តថា មុនឈានដល់ការឃាត់យុវជនសង្ស័យកម្លាំងអន្តរាគមន៍ក្រោមការបញ្ជាពីលោកវរសេនីយ៍ឯក ជឹម សុីថា អធិការខណ្ឌដង្កោអោយចុះស្រាវជ្រាវល្បាតទប់ស្កាត់បទល្មើសក្នុងមូលដ្ឋាន ខណៈកំពុងកម្លាំងចេញល្បាតក៏ឃើញបុរស២នាក់គួរអោយសង្ស័យក៏ឡោព័ទ្ធចាប់សួរនាំនឹងឆែកឆេររកឃើញថ្នាំញៀន ១១កញ្ចប់តូច រួមទាំងសម្ភារប្រើប្រាស់មួយចំនួនផងដែរ។
ក្រោយរកឃើញវត្ថុតាំងជាក់ស្តែងសមត្ថកិច្ចក៏សម្រេចនាំខ្លួនជនសង្ស័យមកកាន់ប៉ុស្តិនគរបាលរដ្ឋបាលដង្កោដើម្បីធ្វើការសាកសួរនឹងកសាងសំណុំរឿងបញ្ជូនបន្តទៅឃុំខ្លួនបណ្តោះអាសន្ននៅអធិការខណ្ឌដង្កោចាត់ការបន្តតាមនីតិវិធី ៕
