កងកម្លាំងអាវុធហត្ថឃាត់ខ្លួនយុវជនប្រើប្រាស់គ្រឿងញៀន ៣នាក់

បន្ទាយមានជ័យ៖ កម្លាំងកងរាជអាវុធហត្ថក្រុងប៉ោយប៉ែតឃាត់ខ្លួនជនសង្ស័យ៣នាក់ ករណីប្រើប្រាស់នូវសារធាតុញៀនខុសច្បាប់
ហេតុការនេះបានកើតឡើងកាលពីវេលាម៉ោង ៩និង០០ នាទីយប់ថ្ងៃទី២ ខែឧសភា ឆ្នាំ២០១៨ នៅចំណុចមណ្ឌល៦ ស្ថិតក្នុងភូមិប្រជាធម្មលិច សង្កាត់ផ្សារកណ្តាលក្រុងប៉ោយ ប៉ែត ខេត្តបន្ទាយមានជ័យ ។

សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនបានចំនួន ០៣នាក់ រួមមាន ៖ ១-ឈ្មោះ ហែម ណា (ហៅ ញ៉ាញ់) ភេទ ប្រុស អាយុ ១៩ឆ្នាំ ជនជាតិខ្មែរ ២-ឈ្មោះ ជា ប្រុសពៅ (ហៅ ប្រុស ) ភេទ ប្រុស អាយុ ២១ឆ្នាំ ជនជាតិខ្មែរ ៣-ឈ្មោះ ភាវ សុផាន់ថង ភេទ ប្រុស អាយុ ២១ឆ្នាំ ជនជាតិខ្មែរ ។
លោកវរសេនីយ៍ត្រី នួន នីណារ៉ូ បានបញ្ជាក់ថា ៖ តាមចម្លើយសារភាពរបស់ជនសង្ស័យខាងលើ និងលទ្ធផលនៃការធ្វើតេស្តទឹកនោមរួចមក បានបញ្ជាក់ថាទាំង ០៣នាក់ ពិតជាបានប្រើប្រាស់នូវសារធាតុញៀនពិតប្រាកដមែន និងបញ្ជូនជនសង្ស័យ ទៅទីបញ្ជាការដ្ឋានកងរាជអាវុធហត្ថខេត្ត ដើម្បីចាត់ការបន្តតាមនីតិវិធី ៕