បើករថយន្តមិនប្រយត្ន័បុករថយន្តហាយឡែនឌ័ររួចជ្រុលចង្កូតឡើងសួននិងបុករបងផ្ទះឧកញ៉ាម្នាក់

ភ្នំពេញ៖ បុរសម្នាក់បើករថយន្ត១គ្រឿងតម៉ាក RAN GER​បោះពួយដូចហោះមិនប្រយត្ន័ជ្រុលបុក រថយន្តហាយឡែនឌ័រមួយគ្រឿងរួចបន្តជ្រុល បុកឡើង ចិញ្ចើមផ្លូវបុកចូល​ ផ្ទះ
វិឡាឧកញ៉ាម្នាក់បណ្តាលអោយបាក់អស់បង្គោលរបងមួយដើមនិងរបងដែកដាច់ប៉ើងចេញ​ ចំណែករថយន្ត ជាប់ទៅមុខ​លែងរួច ។
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០៨និង១០នាទីព្រឹកថ្ងៃទី២៨ ខែកុម្ភះ ឆ្នាំ ២០១៩ នៅចំនុច ផ្ទះវិឡាលេខ ១៨អា ផ្លូវលេខ៣៤៨ អា ក្នុងបុរី​ វិមានភ្នំពេញ​ នៅតាមផ្លូវលេខ៥៩៨ ក្នុងសង្កាត់ច្រាំងចំរេះទី១ ខណ្ឌឬស្សីកែវ រាជធានីភ្នំពេញ​ ។

រថយន្តបង្ក ដែលបើកបុកចូលផ្ទះវិឡា​ ម៉ាក RAN GER​ពណ៌ស ពាក់ស្លាកលេខ ភ្នំពេញ២BC-០៩១៩បើកបរ ដោយបុរសម្នាក់មានឈ្មោះ​ វ៉ាន់ សុភ័ក្រ ភេទប្រុសអាយុ៤៣ឆ្នាំ មានលំនៅក្បែរកន្លែងកើតហេតុ ។​ ចំណែករថយន្ត មួយគ្រឿង ម៉ាក ហាយឡែនឌ័រ ទឹកមាស ពាក់ស្លាកលេខ ភ្នំពេញ២AW-៦២៣១បើកបរដោយជនជាតិចិនឈ្មោះ យិន ហ្វូជិញភេទប្រុសអាយុ៣៧ឆ្នាំ មានលំនៅ ក្នុងបុរីខាងលើ ។

បើតាមសាក្សីបានអោយដឹងថានៅមុនពេលកើតហេតុគេឃើញ រថយន្ត ហ្វ័តម៉ាក RAN GERនោះ បានធ្វើដំណើរតាមផ្លូវបេតុង ក្នុងទិសដៅពីលិចទៅកើត ។​ ខណះពេលមកដល់ចំណុចកើតហេតុ ក៍បានបុក ចំក្បាលរថយន្តម៉ាក​ហាយឡេនដែលបើកចេញពីខាងត្បូង បណ្តាលអោយរថយន្តខ្ទេចចេញនិងរងការខូចខាតមុខ ។
សាក្សីបានបន្តទៀតថា បន្ទាប់ពីកើតហេតុរថយន្ត​ ម៉ាក RAN GERនោះ ក៍បានជ្រុលចង្កូតទៅស្តាំដៃបុកឡើង សួនច្បារនិងបុករបងវិឡាលោកឧកញ៉ាម្នាក់ បណ្តាលអោយបាក់​បង្គោលរបង និង របងដែកប៉ើងចេញរងការខូចខាតធ្ងន់ធ្ងរ ។

ក្រោយកើតហេតុភ្លាមៗនសមត្ថកិច្ចមូលដ្ឋានបានចុះទៅដល់​កន្លែងកើតហេតុនិងបានឲ្យភាគីទាំងអស់ធ្វើការសម្រប​សម្រួល​គ្នាសងការខូចខាត​ តែមិនត្រូវក៏បានទាក់ទងទៅជំនាញ​ចុះមកវាស់វែងយករថយន្តទាំង២ទៅការិយាល័យ​ ចរាចរណ៍ក្រុងរងចាំដោះស្រាយនៅពេលក្រោយ​ ៕