សង្ស័យស្រវឹងស្រាបើករថយន្តលឿនដូចហោះបុករះម៉ូតូនិងរុឺម៉កកង់បីស្លាប់ជនបរទេសនិងខ្មែរ៣នាក់
ភ្នំពេញ ៖ រថយន្តលុចសុីសRX330 បើកលឿនមិនប្រយត្ន័បុករះម៉ូតូនិងរុឺម៉កកង់បី ស្លាប់បុរសជនជាតិបរទេស២នាក់និងអ្នកបើកម៉ូតូកង់បីម្នាក់ទៀតស្លាប់ពេលបញ្ជួនដល់មន្ទីរពេទ្យកាល់ម៉ែត្រ ៖ គ្រោះថ្នាក់ចរាចរណ៍គួរឲ្យរន្ធត់នេះបានកើតឡើងកាលពីវេលាម៉ោង៣រំលងអាធ្រាតចូលថ្ងៃទី០២ខែមិនាឆ្នាំ២០១៩ នៅចំណុចមុខព្រះបរមរាជវាំង តាមបណ្ដោយផ្លូវព្រះសុីសុវត្តិ ស្ថិតក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ ។
សពជនងគ្រោះដែលជាជនជាតិបរទេស ទាំង២នាក់និងម្ចាស់ម៉ូតូកង់បីនៅមិនទាន់ស្គាល់អត្តសញ្ញាណ នៅឡើយនោះទេ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់ស្រវឹងស្រាជោគបើករថយន្តម៉ាកលុចសុីសRX-330 ពណ៌ខ្មៅ មួយគ្រឿង ពាក់ស្លាកលេខភ្នំពេញ2AX-5853 ធ្វើដំណើតាមបណ្ដោយព្រះសុីសុវត្តិ ទិសដៅពីត្បូងទៅជើងក្នុងល្បឿនលឿនដូចហោះ ខណៈមកដល់ចំណុចកើតហេតុខាងលើបានរេចង្កូតទៅបុករះម៉ូតូនិងម៉ូតូកង់បីមួយគ្រឿងទៀតបើកបរដោយបុរសជនជាតិខ្មែរម្នាក់ ដឹកភ្លៀវជនជាតិបរទេស២នាក់ ធ្វើដំណើរបញ្ច្រាសទិសដៅគ្នា ពីជើងទៅត្បូងពេញទំហឹង បណ្តាលឲ្យអូសដោយម៉ូតូម៉ាកគុបជ្រុង ពណ៌ស្លែ ពាក់ស្លាកលេខ ប 3975ភព1ម្ចាស់ចតស្រៀមតាមចិញ្ចើមផ្លូវ អូសរាប់រយម៉ែត្រ បណ្តាលជនជាតិបរទស២នាក់បែកក្បាលស្លាប់នៅនិងកន្លែងយ៉ាងអាណោចអាធ័ម ចំណែកម្ចាស់កង់បីបានស្លាប់នៅឯមន្ទីរពេទ្យ ចំណែកម្ចាស់រថយន្តបង្កត្រូវបានប្រជាពលរដ្ឋឃាត់ខ្លួនប្រគល់ឲ្យសមត្ថកិច្ច ។
ក្រោយកើតហេតុសមត្ថកិច្ចនាំខ្លួនអ្នកបើករថយន្តបង្កទៅប៉ុស្តិ៍នគរបាលសង្កាត់ជ័យជំនះ ទុកប្រគល់ជូនផ្នែកជំនាញ ចំណែករថយន្តនិងម៉ូតូកង់បីនិងម៉ូតូត្រូវសមត្ថកិច្ចធ្វើការវាស់វែងយកទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ រង់ចាំដោះស្រាយគ្នាទៅតាមផ្លូវច្បាប់។ ដោយឡែកសពជនរងគ្រោះទាំងបីនាក់សមត្ដកិច្ចបានដឹកយកទៅតម្កល់ទុកវត្តស្ទឹងមានជ័យ រង់ចាំសាច់ញាតិមកទទួលយកទៅធ្វើបុណ្យតាមប្រពៃណីរៀងៗខ្លួន៕
