សមត្ថកិច្ចឃាត់ខ្លួនជនសង្ស័យប្រុសស្រី៤នាក់និងគ្រឿងញៀន២៤កញ្ចប់
កំពត៖ កម្លាំងព្រហ្មទណ្ឌកម្រិតស្រាល និងកម្លាំងអធិការដ្ឋានក្រុងកំពត បានចុះបង្ក្រាបករណីជួញដូរ និងប្រើប្រាស់គ្រឿងញៀន ឃាត់ខ្លួនជនសង្ស័យប្រុសស្រីចំនួន៤នាក់ដកហូតថ្នាំញៀន២៤ កញ្ចប់តូច
កិច្ចប្រតិបត្តការណ៍បង្ក្រាបនេះបានធ្វើឡើងកាលពីវេលាម៉ោង ០៤និង៥០នាទី ល្ងាចថ្ងៃទី០៦ ខែមីនា ឆ្នាំ២០១៩ នៅភូមិអូរតូច សង្កាត់អណ្តូងខ្មែរ ក្រុងនិងខេត្តកំពត ។
បើតាមរបាយការណ៍របស់សមត្ថកិច្ច បានអោយដឹងថាជនសង្ស័យដែលឃាត់ខ្លួនរួមមាន៖ ទី១មាន-ឈ្មោះ តែ ជិនណារុំ ភេទស្រី អាយុ ៥៣ ឆ្នាំ
២-ឈ្មោះ ហេង គឹមហុង ភេទប្រុស អាយុ ២៥ ឆ្នាំ
៣-ឈ្មោះ ហេង ប៉ុណ្ណោះរិទ្ធី ភេទប្រុស អាយុ ៣១ ឆ្នាំ
អ្នកទាំងបី រស់នៅភូមិអូរតូច សង្កាត់អណ្តូងខ្មែរ ក្រុងកំពត ខេត្តកំពត និងទី៤-ឈ្មោះ ឆាន់ វីរះ ភេទប្រុស អាយុ ២៨ ឆ្នាំ នៅភូមិកំពង់បាយខាងជើង សង្កាត់កំពង់បាយ ក្រុងកំពត ។
បច្ចុប្បន្ន ជនសង្ស័យទាំង៤នាក់រួមនិងវត្ថុតាងត្រូវបានសមត្ថកិច្ច កសាងសំណុំរឿងដើម្បីអនុវត្តតាមនីតិវិធីច្បាប់ ៕
