រន្ធត់ណាស់! រថយន្តយីឌុបក្រឡាប់បុកចូលផ្ទះពលរដ្ឋស្លាប់៣នាក់ម្តាយកូនឪពុករបួសធ្ងន់
ស្វាយរៀង៖ ហេតុការណ៍គ្រោះថ្នាក់ចរាចរណ៍ដ៏រន្ធត់មួយដែលរថយន្តធន់ធំយីឌុប បានក្រឡាប់សង្កត់ទៅផ្ទះប្រជាពលរដ្ឋបណ្ដាលឲ្យស្លាប់៣នាក់ម្ដាយនិងកូនយ៉ាងអាណោចអាធម៌ ហេតុការនេះបានកើតឡើងកាលពីវេលាម៉ោងប្រហែល៣ទៀបភ្លឺថ្ងៃទី១០ខែមិនាឆ្នាំ២០១៩ នៅតាមបណ្ដោយផ្លូវជាតិលេខ១ត្រង់ចំណុងភូមិត្របែកប្រហោង ឃុំតាសួស ស្រុកស្វាយជ្រំ ខេត្តស្វាយរៀង។
ជនរងគ្រោះដែលជាម្ចាស់ផ្ទះមានឈ្មោះ នាង សុផាន់តារ៉ា ភេទប្រុស អាយុ៤០ឆ្នាំមុខរបរជួសជុលម៉ូតូរងរបួសធ្ងន់ធ្ងរនិងមានប្រពន្ធឈ្មោះ សាក់ វណ្ណា អាយុ២៨ឆ្នាំទើបតែសម្រាលកូនបាន២ខែ(ស្លាប់) ចំណែកកូនទាំង២នាក់នោះទី១.មានឈ្មោះ ស្តើង ភារ៉ុន ភេទប្រុស អាយុ២ឆ្នាំ (ស្លាប់)និងទី២.-ឈ្មោះ ស្តើង ផារិន ភេទប្រុស អាយុ២ខែ(ស្លាប់)។
បើតាមសមត្ថកិច្ចបានឲ្យដឹងថា៖ករណីគ្រោះថ្នាក់ចរាចរណ៍នេះគឺមកពីតៃកុរថយន្តងងុយដេកទើបរ៉េចង្កូតបុកផ្ទះពលរដ្ឋនិងក្រឡាប់សង្កត់ពីលើម្ចាស់ផ្ទះទាំង៤នាក់តែម្តងដែលក្នុងហេតុការណ៍នោះប្តីនៅមានដង្ហើមប៉ុន្តែសង្ឃឹមតិចតួចណាស់ចំណែកប្រពន្ធនិងកូនទាំង៣នាក់ស្លាប់ក្រោមរថយន្ត។
សមត្ថកិច្ចបានបន្តថា៖ក្រោយពីបង្កគ្រោះថ្នាក់និងបណ្តាលឲ្យមនុស្សដ៏គួរឲ្យរន្ធត់នេះ ភ្លាមៗអ្នកបើរថយន្តចុះរត់គេចខ្លួនបាត់ស្រមោល ។
ក្រោយហេតុការណ៍ដ៏រន្ធត់នេះកើតឡើងកម្លាំងសមត្ថកិច្ចបានចុះទៅវាស់វែងស្ទួចយករថយន្តទៅរក្សាទុកនៅអធិការស្រុកស្វាយជ្រំរងចាំម្ចាស់ចូលខ្លួនមកដោះស្រាយតាមច្បាប់ ចំណែកសពសមត្ថកិច្ចធ្វើកំណត់ហេតុប្រគល់ជួនសាច់ញាតិធ្វើបុណ្យតាមប្រពៃណី ៕
