បើករថយន្តធន់ធំមិនប្រយត្ន័ជ្រុលទៅបុករថយន្តដឹកក្រដាសពីក្រោយគៀបជាប់របួសធ្ងន់បាក់ជើងទាំង២
ភ្នំពេញ៖ បុរសម្នាក់បើករថយន្តធន់ធំក្នុងល្បឿនលឿនមិនបានប្រុងប្រយត្ន័ជ្រុលទៅបុករថយន្តដឹកក្រដាសពីក្រោយពេញទំហឹង ដែលឈប់ជួសជុលនៅចញ្ចើមផ្លូវបណ្ដាលឲ្យអ្នកបើកបរគៀបជាប់នៅនិងកាប៊ីនរងរបួសធ្ងន់បាក់ជើងទាំង២ត្រូវបានគេដឹកទៅសង្គ្រោះនៅមន្ទីរពេទ្យ។
គ្រោះថ្នាក់ចរាចរណ៍គួរឲ្យរន្ធត់នេះបានកេីតឡេីងកាលពីវេលាម៉ោង៦និង៣០នាទីព្រឹកថ្ងៃទី១៣ ខែមិនា ឆ្នាំ២០១៩ នៅត្រង់ចំណុចមុខរោងចក្រ ថៃយ៉ា តាមបណ្ដោយផ្លូវជាតិលេខ៥ស្ថិតក្នុងភូមិគ្រួស សង្កាត់សំរោង ខណ្ឌព្រែកព្នៅ រាជធានីភ្នំពេញ ។
អ្នកបើកបរថយន្តបង្កដែលរងរបួសធ្ងន់មានឈ្មោះ សេង ម៉ីឡុង ភេទប្រុស អាយុ ២៣ឆ្នាំ មុខរបបើកឡាន មានស្រុកកំណើតស្រុកកោះធំ ខេត្តកណ្តាល។ ចំណែកតៃកុងរថយន្តដឹកក្រដាស បន្ទាប់ពីកើតហេតុដោយសារភ័យពេកបានរត់គេចខ្លួនបាត់ ។
បើយោងតាមប្រភពព័ត៌មាននៅកន្លែងកេីតហេតុឲ្យដឹងថា នៅមុនពេលកេីតហេតុគេឃើញរថយន្តធន់ធំមួយគ្រឿងម៉ាក HYUNDAI ពណ៌ស ពាក់ស្លាកលេខព្រះសីហនុ 3A-5544 បើកបរតាមបណ្ដោយផ្លូវជាតិលេខ៥ ទិសដៅពីត្បូងទៅជើង ក្នុងល្បឿនលឿន ខណៈមកដល់ចំណុចកើតហេតុខាងលើបានរេចង្កូតជ្រុលទៅបុកគួទរថយន្តដឹកក្រដាសម៉ាក HYUNDAI ពណ៌ស ពាក់ស្លាកលេខ ភ្នំពេញ 3C-1067ដែលខូចឈប់ដើម្បីជួសជុលនៅអែបចញ្ចើមផ្លូវចំពីក្រោយពេញទំហឹង លាន់ដូចរន្ទះ បណ្ដាលឲ្យខ្ទេចមុខរថយន្តបង្កគៀបជាប់តៃកុងនៅនិងកាប៊ីន ត្រូវបានប្រជាពលរដ្ឋនិងសមត្ថកិច្ច នាំគ្នាអន្តរាគមន៍ជួយគាស់ចេញយកទៅសង្គ្រោះបន្ទាន់នៅមន្ទីរពេទ្យកាល់ម៉ែត្រ ។ ចំណែកអ្នកបើករថយន្តដឹកក្រដាសរត់គេចខ្លួនបាត់ ។
ក្រោយពេលកេីតហេតុសមត្ថកិច្ច ខណ្ឌបានទាក់ទងសមត្ថកិច្ចជំនាញមកធ្វើការវាសវែងយករថយន្តទាំង២គ្រឿងទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរងចាំដោះស្រាយនៅពេលក្រោយ ៕
