គួរឲ្យរន្ធត់ណាស់ស្លាប់២នាក់របួស៤ដោយសារតែ…

កណ្តាល៖ រថយន្តធន់ធំម៉ាកHyundai បើកបរក្នុងល្បឿនលឿនខ្វះការប្រុងប្រយត្ន័ជ្រុលទៅបុករថយន្តម៉ាកHILUX VIGO ពេញទំហឹងចំពាក់កណ្ដាលអូសប្រហែល២០ម៉ែត្របណ្ដាលឲ្យរបួសធ្ងន់៦នាក់ហើយបានស្លាប់ក្មេងប្រុស២នាក់ ពេលបញ្ជួនទៅមន្ទីរពេទ្យ ។
ហេតុការគ្រោះថ្នាក់ចរាចរណ៍គួរឲ្យរន្ធត់នេះបានកើតឡើងកាលពីវេលាម៉ោង៣និង៣០នាទីរសៀលថ្ងៃទី២៥ ខែឧសភា ឆ្នាំ២០១៨ នៅតាមបណ្ដោយផ្លូវ៦០ម៉ែត្រត្រង់ចំណុចផ្លូវបែក ជាបួន ស្ថិតក្នុងភូមិបត្តាជី សង្កាត់ព្រែកហូរ ក្រុងតាខ្មៅខេត្តកណ្តាល។

ជនរងគ្រោះទី១-មានឈ្មោះ បាន សុខសិលា អាយុ៩ខែ (ស្លាប ) ទី២-មាន ឈ្មោះ សាន ថៃឡុង អាយុ ( ស្លាប់) ទី៣-ឈ្មោះ ប៉ុន វាសនា ភេទប្រុស អាយុ៣១ឆ្នាំជនជាតិខ្មែរជាអ្នកបើកបរ (របួសធ្ងន់)មានទីលំនៅភូមិត្រពាំងអំពិល ឃុំត្រពាំងគង់ ស្រុកសំរោងទង ខេត្តកំពង់ស្ពឺ។
ទី៤-ឈ្មោះ ស្រេង ស្រីនូ ភេទស្រី អាយុ៣២ឆ្មានទីលំ នៅក្នុងភូមិដំណាក់សង្កែ សង្កាត់ព្រែកកំពិស ខណ្ឌដង្កោ រាជធានីភ្នំពេញ ( របួសធ្ងន់)
ទី៥-ឈ្មោះ លុច្ស អាយុ៣ឆ្នាំដោយឡែកម្នាក់ទៀតមិនបានស្គាល់អត្តសញ្ញាណ ( របួសធ្ងន់) ។

យោងតាមប្រភពព័ត៌នៅកន្លែងកើតហេតុបានឲ្យដឹងថាមុន ពេលកើតហេតុគេឃើញរថយន្តធន់ធំម៉ាកHyundai ពណ៌​ស ពាក់ស្លាកលេខ ព្រះសីហនុ 3A-0830 បើកបរក្នុងល្បឿនលឿនទិសដៅពីលិចទៅកើតខណៈមកដល់ចំណុចកើតហេតុដោយមិនបានប្រុងប្រយត្ន័ក៏ជ្រុលទៅបុកនិង រថយន្តម៉ាកHILUX VIGO ពណ៍ ទឹកមាស ពាក់ស្លាកលេខ ភ្នំពេញ 2N-4733 ពេញទំហឹង ដែលបើកបរទិសដៅពីត្បូងទៅជើងតាមផ្លូវ៦០ម៉ែត្រ បណ្ដាលឲ្យរងរបួសមនុស្សប្រុស ស្រីចំនួន៦នាក់នៅក្នុងរថយន្ត ភ្លាមៗនោះអ្នកបើកបររថយន្តបង្កបានចុះរត់គេចខ្លួនបាត់ស្រមោល ។ ដោយឡែកអ្នករបួសធ្ងន់ត្រូវបានបញ្ជួនទៅសង្គ្រោះនៅមន្ទីរពេទ្យ តែអកុសលក្មេងប្រុស ២នាក់ត្រូវបានស្លាប់ពេលបញ្ជួនទៅដល់ពេទ្យ ។

ក្រោយកើតហេតុសមត្ថកិច្ចជំនាញបានចុះមកដល់កន្លែងកើតហេតុរួចបានធ្វើការវាស់វែងនិងស្ទួចយករថយន្តទាំង២ ទៅរក្សាទុកនៅស្នងការនគរបាលខេត្តកណ្ដាលរងចាំដោះនៅពេលក្រោយ ៕