សមត្ថកិច្ចខណ្ឌមានជ័យឃត់ជនសង្ស័យម្នាក់រួមនិងថ្នាំញៀន៤៥កញ្ចាប់តូចធំ
ភ្នំពេញ ៖ កម្លាំងនគរបាលខណ្ឌមានជ័យ ដឹកនាំដោយលោកវរសេនីយ៍ទោ ម៉េង វិមានតារា អធិការនគរបាល ខណ្ឌមានជ័យ បានឆ្មក់បង្ក្រាបករណីគ្រឿងញៀន ឃាត់ខ្លួនជនសង្ស័យបានម្នាក់ដែលជាមុខសញ្ញាជួញដូរនិងប្រើប្រាស់គ្រឿងញៀនដកហូតថ្នាំញៀន៤៥កញ្ចប់តូចធំ
ហេតុការណ៍នេះបានកើតឡើងកាលពីវេលាម៉ោង០៧យប់ ថ្ងៃទី២៤ខែមិនា ឆ្នាំ២០១៩ នៅចំនុចតំបន់មិនរាបរយ ផ្លូវ៦០ម៉ែត្រ ផ្ទះគ្មានលេខ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ ។
លោកវរសេនីយ៍ទោ ម៉េង វិមានតារា អធិការនគរបាលខណ្ឌមានជ័យបានឲ្យដឹងថា មុនឈានដល់ការឃាត់ខ្លួនកម្លាំង សមត្ថកិច្ចបានធ្វើការស្រាវជ្រាវនិងតាមដានរហូតឃាត់ខ្លួនបានម្នាក់នៅចំណុចសំណង់មិនរាបរយវាលខ្សាចភូមិព្រែកតាគង់ សង្កាត់ចាក់អង្រែលើ ដកហូតបានថ្នាំញៀនបាន៤៥កញ្ចប់ក្នុងនោះធំ១កញ្ចប់ ។ បន្ទាប់មកបាននាំខ្លួនយកទៅធ្វើការសាកសួរតាមនិតិវិធីច្បាប់។
បច្ចុប្បន្ន ជនសង្ស័យរួមនិងវត្ថុតាងត្រូវ បានសមត្ថកិច្ចធ្វើការឃាត់ខ្លួន បណ្តោះអាសន្ននៅអធិការនគរបាលខណ្ឌមានជ័យដើម្បីកសាងសុំនុំរឿងបញ្ជួនខ្លួនទៅតុលាការចាត់ការតាមនីតិវិធី៕
