ប្រកបមុខរបរត់(passapp កង់បីឥណ្ឌា)មិនសូវកាក់កបលក់គ្រឿងញៀនបន្ថែមត្រូវប៉ូលិសប៉ុស្តិព្រៃសចាប់វាយខ្នោះ
ភ្នំពេញ៖ ជនសង្ស័យម្នាក់ត្រូវបានកម្លាំងនគរបាលប៉ុស្តិព្រៃស ចាប់វាយខ្នោះក្រោយពេលឆែកឆេររកឃើញគ្រឿងញៀន១កញ្ចប់ធំដែលលាក់ទុកក្នុងហោប៉ាវខោ ជិះ passappបំរុងយកទៅចែកចាយឱ្យម៉ូយ ។
សមត្ថកិច្ចបានឲ្យដឹងថា ជនសង្ស័យត្រូវបានឃាត់ខ្លួនកាលពីវេលាម៉ោង០៨និង៤០នាទីព្រឹកថ្ងៃទី២៥ខែមីនាឆ្នាំ២០១៩នៅតាមបណ្ដោយផ្លូវបេតុងភូមិប្រការសង្កាត់ព្រៃសខណ្ឌដង្កោរាជធានីភ្នំពេញ ខណះដែលសមត្ថកិច្ចកំពុងល្បាតពួនស្ទាក់បទល្មើសក្នុងមូលដ្ឋាន។
ជនសង្ស័យមានឈ្មោះ កាន ម៉ារីន អាយុ៣០ឆ្នាំមុខរបររត់រម៉កកង់បីឥណ្ឌា(passapp)ស្នាក់នៅការដ្ឋានបុរីពិភពថ្មី។
ក្រោយពេលឃាត់ខ្លួនជនសង្ស័យខាងលើសមត្ថកិច្ចបានដកហូតថ្នាំញៀនចំនួន១កញ្ចប់ធំរម៉កកង់បី១គ្រឿងទូរសព្ទ័ដៃចំនួន៣គ្រឿងខ្សែកនិងខ្សែដៃក្លែងក្លាយចំនួន២ខ្សែរ។
ហើយសមត្ថកិច្ចក៏បាននាំខ្លួនទៅធ្វើការសាកសួបន្តនៅប៉ុស្តិនគរបាលរដ្ឋបាលព្រៃសនៅចំពោះមុខសមត្ថកិច្ចជនសង្ស័យខាងលើបានសារភាពថាថ្នាំញៀននេះរូបគេបានទិញមកពីជនម្នាក់ទៀតទុកយកមកចែកចាយឱ្យក្រុមជាងសំណង់ក្នុងការដ្ឋានបុរីពិភពថ្មី។
បច្ចុប្បន្នជនសង្ស័យរួមនិងវត្ថុតាងត្រូវបានបញ្ជូនទៅឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌដង្កោដើម្បីកសាងសុំនុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី៕
