ម៉ូតូ២គ្រឿងសាកកម្លាំងគ្នាបណ្ដាលឲ្យយុវជនម្នាក់ស្លាប់និង២នាក់របួសធ្ងន់
ភ្នំពេញ ៖ ម៉ូតូ២គ្រឿងសាកកម្លាំងគ្នាបណ្ដាលឲ្យយុវជនម្នាក់បានស្លាប់បាត់បង់ជីវិតក្នុងថ្លុកឈាមយ៉ាងអាណោចអធម៌និង២នាក់ទៀតរងរបួសធ្ងន់
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៣ និង២០នាទីរំលងអាធ្រាត ឈានចូលថ្ងៃទី២៧ ខែមីនា ឆ្នាំ២០១៩ នៅចំណុចមុខវត្តទួលទំពូង តាមបណ្ដោយផ្លូវម៉ៅសេទុង ក្នុងសង្កាត់ទួលទំពូង១ ខណ្ឌចំការមន រាជធានីភ្នំពេញ ។
សពយុវជនរងគ្រោះខាងលើនៅមិនទាន់ស្គាល់អត្តសញ្ញាណនៅឡើយទេ ខណះជនរងគ្រោះរបួសធ្ងន់២នាក់ទៀតត្រូវបានរថយន្តសង្គ្រោះបន្ទាន់ដឹកយកទៅមន្ទីពេទ្យភ្លាមៗ ។
បើយោងតាមប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា នៅពេលកើតហេតុ គេឃើញម៉ូតូ២គ្រឿង មានមួយគ្រឿងម៉ាក ស៊ុយស៊ុគី ឡេត ពណ៌ស ពាក់ស្លាកលេខ កំពង់ចាម 1Q-2900 និងមួយគ្រឿងទៀតម៉ាក ហុងដាវ៉ែវ ពណ៌ក្រហមពាក់ស្លាកលេខ ភ្នំពេញ 1CQ-2363 តែមិនដឹងថាខាងណាមកពីទិសណានោះទេ ក៏បានបុកគ្នាយ៉ាងពេញទំហឹងបណ្ដាលឲ្យយុវជនម្នាក់បានបោកក្បាលនិងថ្នល់ស្លាប់ក្នុងថ្លុកឈា គួរឲ្យរន្ធត់និងយុវជន២នាក់ទៀតបានរងរបួសធ្ងន់ធ្ងរ ត្រូវបានដឹកទៅមន្ទីរពេទ្យ និងម៉ូតូទាំង២គ្រឿងរងការខូចខាតផ្នែកខាងមុខទាំងស្រុងដូចគ្នា។
ក្រោយកើតហេតុសមត្ថកិច្ចមូលដ្ឋានឲ្យចុះមកដល់ទាក់ទងសមត្ថកិច្ចជំនាញមកវាស់វែងកយកម៉ូតូទាំង២គ្រឿងទៅរក្សាទុកនៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយតាមផ្លូវច្បាប់។ ចំណែកសពយុវជនរងគ្រោះ សមត្ថកិច្ចជំនាញបានទាក់ទងទៅសាច់ញាតិក្រុមគ្រួសារ ដើម្បីមកទទួលយកទៅធ្វើបុណ្យតាមប្រពៃណី ៕
