បុរសចំណាស់ម្នាក់ឈរ មើលគេភ្ជួស្រែពេលមេឃភ្លៀងត្រូវរន្ទះបាញ់ស្លាប់កណ្ដាលវាលស្រែ
សៀមរាប ៖ បុរសម្នាក់ត្រូវរន្ទះបាញ់ស្លាប់កណ្ដាលវាលស្រែគួរឲ្យអាណោចអធម៌
ហេតុការគ្រោះធម្មជាតិប្រហាមជីវិតបុរសចំណាស់គួរឲ្យអាសូ នេះបានកើតឡើងកាល ពីល្ងាច ថ្ងៃទី ៣ខែ ឧសភា ឆ្នាំ២០១៨ នៅចំណុចវាលស្រែ ភូមិស្ពានជ្រាវ សង្កាត់ សៀមរាប ខេត្តសៀមរាប ។
ជនរងគ្រោះដែលត្រូវរន្ទះបាញ់ស្លាប់មាន ឈ្មោះ ស៊ាំ អាយុ៥០ឆ្នាំ រស់នៅ ភូមិស្ពានជ្រាវ សង្កាត់ សៀមរាប ខេត្តសៀមរាប
ប្រភពព័ត៌បានឲ្យដឹងថា មុនពេលកើតហេតុជនរងគ្រោះបានឈរ មើលគេភ្ជួរស្រែ ស្រាប់តែ ដល់វេលាកើតហេតុ មានខ្យល់បក់បោក លាយឡំនិងទឹកភ្លៀងតិចតួច រួចក៏មានរន្ទះបាញ់ចំគាត់ បណ្ដាលឲ្យដួលស្លាប់បាត់បង់ជីវិតតែម្ដង ។
ក្រោយពេលកើតហេតុមាន បងប្អូនអ្នកជិតខាង រួមទាំងអាចារ្យ លោកតា និងសមត្ថកិច្ចចុះមកពិនិត្យនិងធ្វើកោសល្យវិច្ឆ័យ រួចបានប្រគល់សពអោយក្រុមគ្រួសារសាច់ញាតិយកទៅចាត់ចែងធ្វើបុណ្យតាមប្រពៃណី៕
