អាវុធហត្ថខេត្តបាត់ដំបងឃាត់ខ្លួនជនសង្ស័យ០៤នាក់ពាក់ព័ន្ធករណីគ្រឿងញៀន
បាត់ដំបង៖ កម្លាំងកងរាជអាវុធហត្ថក្រុងបាត់ដំបង បង្ក្រាបករណី ជួញដូរគ្រឿងញៀន ខុសច្បាប់ឃាត់ខ្លួនជនសង្ស័យចំនួន០៤នាក់ ៖ ហេតុការណ៍នេះបានធ្វើឡើងកាលពីវេលាម៉ោង២និង៣០នាទីរសៀលថ្ងៃទី០៤ខែមេសា ឆ្នាំ២០១៩ នៅចំណុចមុខវត្តខ្សាច់ពោយ ស្ថិតក្នុងក្រុមទី១៥ ភូមិខ្សាច់ពោយ សង្កាត់វត្តគរ ក្រុងនិងខេត្តបាត់ដំបង ។
អាវុធហត្ថក្រុងបាត់ដំបងបានឲ្យដឹងថា ជនសង្ស័យដែលបានឃាត់ខ្លួនរួមមាន ៖ ទី១-ឈ្មោះ ស៊ីវ លីដា ភេទប្រុស អាយុ៣៧ ឆ្នាំមុខរបរជាងផ្សារដែកមានទីលំនៅភូមិខ្សាច់ពោយសង្កាត់ វត្តគរ ក្រុងនិងខេត្តបាត់ដំបង ។
ទី២-ឈ្មោះ សួស វាយោ ភេទប្រុស អាយុ ៣១ឆ្នាំ មុខរបរធ្វើស្រែ មានទីលំនៅភូមិខ្សាច់ពោយ សង្កាត់វត្តគរ ក្រុងនិងខេត្តបាត់ដំបង ។
ទី៣-ឈ្មោះ រស់ ភក្រ្តា (ហៅបឿក) ភេទប្រុស អាយុ ២២ឆ្នាំមុខរបរមិនពិតប្រាកដមានទីលំនៅភូមិខ្សាច់ពោយ សង្កាត់ វត្តគរ ក្រុងនិងខេត្តបាត់ដំបង ។
ទី៤-ឈ្មោះ ប៉ុត ស៊ីម (ហៅពាង)ភេទប្រុស អាយុ ២០ឆ្នាំមុខ របរជាងផ្សារដែក មានទីលំនៅភូមិច្រាបក្រសាំង សង្កាត់វត្តគរ ក្រុងនិងខេត្តបាត់ដំបង ។ ចំណែកវត្ថុតាងដកហូតមាន ៖
១-សារធាតុញៀនប្រភេទម្សៅក្រាមពណ៌សរឹងថ្លា (ទឹកកក) ចំនួន ០៥ កញ្ចប់ - ២-ទូរស័ព្ទ ០៣ គ្រឿង -៣-សម្ភារៈសម្រាប់វេចខ្ចប់គ្រឿងញៀនមួយចំនួន ទៀត ។
បច្ចុប្បន្នជនសង្ស័យ រួមនឹងវត្ថុតាងត្រូវបានកងរាជអាវុធហត្ថក្រុងបាត់ដំបង កសាងសំណុំរឿងដើម្បីបញ្ជួនទៅតុលាការចាត់ការបន្តតាមនីតិវីធី ច្បាប់៕ 
