ផ្ទះប្រជាពលរដ្ឋចំនួន៣ខ្នងត្រូវអគ្គីភ័យឆាបឆេះបំផ្លាញ់គ្មានសល់
បាត់ដំបង៖ ទូសសេខ្សែភ្លើង ឆាបឆេះផ្ទះប្រជាពលរដ្ឋចំនួន៣ខ្នងអស់ទាំងស្រុងនៅស្រុកថ្មគោល ៖ ហេតុការណ៍គ្រោះអគ្គីភ័យនេះបានកើតឡើងកាលពីវេលាម៉ោង១០និង០០នាទីព្រឹកថ្ងៃទី០៨ ខែមេសា ឆ្នាំ ២០១៩ នៅភូមិកៀនកេះ១ ឃុំគោកឃ្មុំ ស្រុកថ្មគោល ខេត្តបាត់ដំបង ។
លោកវរសេនីយ៍ឯក ផង់ សុភាព អធិការនគរបាលស្រុកថ្មគោល បានឲ្យដឹងថា ម្ចស់ផ្ទះដែលឆេះចំនួន៣ខ្នងអស់ទាំងស្រុងនោះរួមមាន៖ ទី១-ឈ្មោះ ណូ ស៊ីនេន ភេទស្រី អាយុ ៥៨ឆ្នាំរស់នៅភូមិកៀនកេះ១ ឃុំគោកឃ្មុំ ស្រុកថ្មគោល ផ្ទះឈើចំនួន១ខ្នងទំហំ៤×១២ម ដំបូលប្រក់សង្ក័សី ជញ្ជាំង ស័ង្កសី រឆេះអស់១០០%
ទី២-ឈ្មោះ លាន ស្រីពេជ្រ ភេទស្រី អាយុ៣៥ឆ្នាំរស់នៅភូមិកៀនកេះ១ ឃុំគោកឃ្មុំ ស្រុកថ្មគោល ផ្ទះឈើ១ខ្នង ទំហំ៤×១២ប្រក់សង្ក័សី ជញ្ជាំង ស័ង្កសី ឆេះអស់១០០%
ទី៣-ឈ្មោះ រិន វិរ: ភេទប្រុស អាយុ៤៩ឆ្នាំនៅភូមិ កៀនកេះ១ ឃុំ គោកឃ្មុំ ស្រុកថ្មគោលខេត្តបាត់ដំបង ផ្ទះឈើ១ខ្នងទំហំ៥×៦ម=ប្រក់សង្ក័សី ជញ្ជាំងថ្មឆេះអស់៣០%។
សម្ភារៈសរុបរួម ផ្ទះទាំងបីខ្នងគិតចំនួនទឹកប្រាក់អស់ប្រហែល៥៣០០ដល្លា ។ លោកអធិកាបានឲ្យដឹងទៀតថា ចំពោះមូលហេតុបណ្ដាលមកពីទូសសេខ្សែភ្លើងទើបបង្កឲ្យឆាបឆេះ។
លោកអធិការបន្តថា កម្លាំង មន្ត្រីនគរបាល បានប្រើប្រាស់រថយន្តអគ្គីភ័យជួយអន្តរាគមន៍បាញ់ទឹកពន្លត់អស់ចំនួន០២រថយន្តធុនធំចំនួន០១គ្រឿង និងរថយន្ត តូចចំនួន០១គ្រឿង ទើបអាច គ្រប់គ្រងស្ថានភាពបានទាំងស្រុង ៕
